• २०७५ मङ्सिर ४ गते, मंगलबार
११:२६ am

पदको आडमा मेयर मण्डलको  दादागिरी

जनप्रतिनीधिहरु पदको आडमा गुण्डागर्दी गर्दै गरेको उदाहरणहरु देशैभरि विभिन्न ठाउँमा हेर्न सकिन्छ !

तस्विरमा हँसपुर नगरपालिकाका मेयर रामज्ञान मण्डल जिल्ला प्रहरी कार्यालय धनुषामा ।

 


न्यूज ब्यूरो, जनकपुरधाम । धनुषाको हंसपुर नगरपालिकामा बुधबार भएको घटनाप्रति आरोपित उपभोक्ता समितिका अध्यक्ष रामहृदय यादवले हँसपुर नपाका मेयर रामज्ञान मण्डलले पदको धाक लगाएको बताएका छन् ।

 


विहिबार विभिन्न सँचारमाध्यमहरुमा मेयर मण्डल उपर हातपात गरिएको समाचार प्रकाशन प्रकाशित भएपछि आरोप लगाईएका समितिका अध्यक्ष यादवले काम गरेको वापतको रकम माग्न जाँदा उल्टै प्रहरीको जिम्मा लगाएको आरोप लगाए । 

 


जनकपुरधामको एक रेडियो कार्यक्रममा बोल्दै उपभोक्ता समितिका अध्यक्ष यादवले  धनुषाको हंशपुर नगरपालिका वडा नंं ४ स्थित मौदकरही टोलमा सडकमा ग्राईबल र गिट्टीको लागि निकासा हुनुपर्ने रकम अति ढिलो तथा अन्य ठाउँको उपभोक्ता समिति सबैको निकास दिइसकेको र आफूलाई मात्र निकासा नगरेको आरोप लगाउँदै त्यही रकम माग्न जाँदा पदको आडमा प्रहरी बोलाएर जिल्ला पठाएको बताए । 

 

 उपभोक्ता समितिका अध्यक्ष राम हृदय यादव र सचीव दीपनरायण यादव कामकाज सम्पन्न गरि भुक्तानी माग्न जादा उनीहरूलाई नगर प्रमुख मण्डलले प्रहरी लगाई जिल्ला प्रहरी कार्यालय धनुषा पठाएको आरोप लगाए । 

 

हंसपुर नगरपालिका वडा नं. ४ मा ग्राइबलको निकासी भएको पाँच लाखको काम सम्पन्न गरि भुक्तानीको लागि पटक पटक आग्रह गर्दा  नगर प्रमुखले आलटाल गरेको उनको आरोप छ ।

 

बुधबार मात्र मेयरलाई फोन गरेर भुक्तानी माग्न नगरपालिका कार्यालयमा दुवै जना पुगेको थियो  ।  उनीहरूलाई घण्टौँ कुराएर मेयर आएर कसले फोन गरेको उनीहरुलाई सोध्दै पहिले आफु एजेन्ट,  गुन्डा थिए, पैसा दिदैनौं जे गर्नु छ गर,  भन्दै प्रहरीको टोलि बोलाएर आफूहरूलाई जिल्ला प्रहरी कार्यालय धनुषा पठाएको उपभोक्ता समितिका अध्यक्ष  यादवले बताए ।

 

यता, नगर प्रमुखले उनी विरुद्ध जिल्ला प्रहरी कार्यालय धनुषामा मुद्दा दायर गराएको छ । विहिबार समितिका अध्यक्ष यादव र सचीव दीपनरायण यादव लाई जिल्ला प्रहरीका एसपी गोबिन्द थपलियाले स्वास्थ परिक्षण गराएर छाडदै सार्वजनिक अपराधको मुद्दा समेत चलाएको छ । 

 

संघीयतापछि आएका नव जनप्रतिनीधिहरु पदको आडमा गुण्डागर्दी गर्दै गरेको उदाहरणहरु देशैभरि विभिन्न ठाउँमा हेर्न सकिन्छ । चुनावमा लाखौ खर्चेर असुलेको भोटको ब्याज तिर्न उनीहरुले बेला बेलामा नयाँ नयाँ हतकण्डा समेत अपनाएको समाचार विभिन्न सँचारमाध्यमबाट प्रकाशन प्रकाशित हुँदै आएको छ । 

 

 

यस घटना सम्बन्धी पहिलो समाचार 

 

धनुषामा मेयर उपर हातपात !

 

 

 

 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

सुरेन्द्र कुमार यादव

संवाददाता

जनकपुर, नेपाल - प्रदेश नं. २

उहाँ न्यूज ब्यूरोको लागि धनुषाबाट पेट्रोलिँग टिमका संवाददाता हुन । जिल्लाको कुना कुनामा गएर समाचारको लागि पेट्रोलिँग गर्नुहुन्छ । मोबाईल नम्बर : +9779824847354 |

प्रतिकृया दिनुहोस