• २०७५ मङ्सिर ४ गते, मंगलबार
११:४२ am

सर्लाहीमा नेकपा र काँग्रेसबीच भिडन्त हुँदा एकको मृत्यू ४ गम्भिर !

अवस्था तनावग्रस्त भएपछि त्यस स्थानमा प्रहरी पठाईएको छ ।

न्यूज ब्यूरो, सर्लाही । सर्लाहीमा दुईपक्षीय झडपमा गोली चल्दा एकजनाको ज्यान गएको छ । सर्लाहीको रामनगर गाउँपालिका–४ मा मंगलबार बिहान नेकपाका कार्यकर्ता र नेपाली काँग्रेसका कार्यकर्ताबीच भएको झडपमा गोली चल्दा एकको ज्यान गएको हो ।

 

करिब बिहान ७ वजे नेकपाका कार्यकर्ताले चलाएको गोली लागेर स्थानीय ६५ वर्षीय बिलास महतोको ज्यान गएको प्रहरीले जनाएको छ । झडपमा गोली लागेर अन्य चार जना घाइते भएका बताइएको छ ।

 

घाइते लिन गएको एम्बुलेन्समा समेत उनीहरुले तोडफोड गरेका जनाइएको छ । सोमबार बिहान सोही नगरपालिका वाडा नम्वर ४ बाट निर्वाचीत वडा अध्यक्ष राम नरेश महतोलाई नेकपाका कार्यकर्ताले कुटपीट गरेपछि विवाद चुलिएको थियो । 

 

नेकपाका कार्यकर्ताहरुले वडा अध्यक्ष महतोको घरमा समेत तोडफोड गरेका छन् । अवस्था तनावग्रस्त भएपछि त्यस स्थानमा केही बेर अघि जिल्ला प्रहरी कार्यालय सर्लाहीबाट थप प्रहरी पठाइएको जिप्रका सर्लाहीले जनाएको छ ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस