• २०७५ मङ्सिर ४ गते, मंगलबार
११:०८ am

१०/२०  गिरफ्तार हुंदैमा गठबन्धनलाई केही फरक पर्दैन : प्रवक्ता खान


न्यूज ब्यूरो, जनकपुरधाम । डा. सिके राउत नेतृत्वको स्वतन्त्र मधेस गठबन्धनका प्रवक्ता अब्दुल खानले १० २० नेता तथा कार्यकर्ता पक्राउ पर्दा गठबन्धनका केही पनि फरक नपर्ने बताएका छन् ।


स्वतन्त्र मधेश गठबन्धनको केन्द्रीय संयोजक डा. सि के राउत  सहित सुनसरीमा ४ जना, रौतहटमा ४ जना, पर्सामा २८ जना, नवलपरासीमा २ जना र बाकेंमा १ जना गिरफ्तार भएको समाचारलाई केही सँचारमाध्यमहरुले तोडमडोर गरेर प्रकाशन प्रकाशित गरेको भन्दै आपत्ति जनाउँदै यो गिरफ्तारी अभ्यास मात्र भएको बताएका छन् 


"अहिले नकारात्मक  भ्रम फैलाउने विरोधी तत्वहरुले अनेकानेक प्रकारको समाचार फैलाउने दुष्शाहसमा जुटेका छन, वहांहरु समेत सम्पूर्णलाई थाहा हुनु पथ्र्यो कि,  यो त गठबन्धनको रणनीतिक योजना र जेल भराउ अभियानको अभ्यास हो, यसले हाम्रो संगठनमा उर्जा र जुझारुपन पैदागर्छ , जसले संगठन मजबुत हुन्छ ।" -  उनले भने । 

 

गठबन्धनका केन्द्रीय संयोजक समेत गिरफ्तार हुदां गठबन्धन र मधेशी जनतासँग नेता छैन वा डा. राउतसँग जनता छैन भनेर  आम जनसमूदायले यस्ता नाकारात्मक भ्रममा नपर्न  आग्रह समेत गरेका छन् । 

 

स्वतन्त्रताको आन्दोलनमा तमाम प्रभावशाली र सहि गति प्रदानकर्ता नेतागण, सुभचिन्तक र विचारको रहेको भन्दै  अहिले संगठन निर्माणको अवस्था हुने भएकोले तथा पुर्ण महा आन्दोलनको तयारी चरण भएकोले १०/२० जना गिरफ्तार हुदैमा निरास नहुन आग्रह गरेका छन् ।


यो हाम्रो संरचनागत र जनशक्ति निर्माणको आन्दोलन गरिने भएकोले स्वयम् सेवक दस्ता निर्माण देखि लिएर भोली मधेश देशको लागि चाहिने जनशक्ती निर्माणको कार्यमा सम्पूर्ण समर्थकहरुमा गठबन्धनले अपिल समेत गरेको छ ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस