• २०७५ पौष २ गते, सोमबार
०७:११ am

माटोको ढिस्कोमा परेर एक बालिकाको मृत्यू

चिकनी ( टल्कने खाले माटो ) खन्न बढी बालबालिका जाने गरेको देखिएको छ । 


न्यूज ब्यूरो, धनुषा ।   धनुषाको धनुषाधाम  नगरपालिकामा आज विहान माटोको ढिस्कोमा पुरिएर एक बालिकाको ज्यान गएको छ । 


नगरपालिकाको वडा नं. ४ लक्ष्मीपुरमा विहिबार बिहान करिब ७ः ३० बजे माटोको ढिस्कोमा परेर ज्यान गएको ईलाका प्रहरी कार्यालय धनुषाधामले जनाएको छ ।ज्यान जानेमा धनुषाधाम नगरपालिका वडा नं. ९ धारापानी बस्ने राम अवध यादवकी छोरी अन्दाजी बर्ष ८ की सिर्जना कुमारी यादवको च्यापिएर मृत्यू भएको हो । 

 

मृतक बालिका चाड पर्वमा आफनो मामा घर आएकी थिइन ।

तराई मधेसमा तिहार र छठ नजिकीदै गर्दा चिकनी माटोले घर लिपपोत गर्ने प्रचलन रहेको बालिकाले चिनकी माटो खन्न गएको बेला माथिबाट खसेको ढिस्कोमा पुरेर घटनास्थलमै मृत्यू भएको प्रहरीले जनाएको छ । 

 

उनीसँगै अन्य ५ जना बालबालिकाहरु माटो खन्न गएको प्रहरीले जनाएको छ । स्थानीय  मिका  पन्डित र रन्जिता पन्डित घाईते भएको ईलाका प्रहरी कार्यालय धनुषाधामका इन्चार्ज प्रहरी नीरिक्षक प्रकाश दाहालले जानकारी दिए । 


तिहार र छठमा तराई मधेसको विभिन्न जिल्लाहरुमा समेत चिकनी ( टल्कने खाले माटो ) खन्न बढी बालबालिका जाने गरेको देखिएको छ । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

विनय कुमार यादव

संवाददाता

प्रदेश नं. २, धनुषा - नेपाल

विनय कुमार यादव || उहाँ न्यूज ब्यूरोको धनुषा जिल्ला सहकर्मी हुन् । धनुषाको उत्तरीपूर्वी भेगका जानकारी तथा समचारको लागि उहाँ प्रतिनीधित्व गर्दैहुनुहुन्छ | मोबाईल नं. : +9779844401154 , 9803142770 |

प्रतिकृया दिनुहोस