• २०७५ मङ्सिर ४ गते, मंगलबार
११:३८ am

प्रहरी सुरक्षामै 'ओरकेष्ट्रा'

ओरकेष्ट्रा नाच ल्याउँदा पहिले प्रहरीलाई केही रकम दिएर मिलाउनुपर्ने त्यसपछि मात्र नचाउन पाइने गरेको !

 

अभिनय कुमार मिश्रा । धनुषा जिल्लामा ओरकेष्ट्रा प्रतिबन्ध भएपनि पर्वहरुको नाममा दिनदिनै ओरकेष्ट्रा नचाउने क्रम बढदो देखिएको छ ।  गत महिनामा मात्र गणेश पूजामा धनुषाको भरभरियामा भएको ओरकेष्ट्राको क्रममा एक जना युवकले ज्यान नै गुमाउनुपरयो । 


औरही गाउँपालिका वडा नं. २ बस्ने एक युवक ओरकेष्ट्रा हेर्न धनौजी गाउँपालिकाको भररिया पुगेको बेला स्टेजमा गरिएको उतेजक र अश्लिल नृत्यको क्रममा उच्छृङगलपनि देखाउँदा आयोजकले मरणेमसान्त गरी कुटपिट गरेको थियो । कुटपिटबाट गम्भिर घाईते भएका ती युवकले अस्पतालमै दम तोडे । 

 

धनुषा लगायत तराई मधेसको अन्य जिल्लाहरुमा समेत ओरकेष्ट्राकै कारण अपराधिक गतिविधिमा केही फिसदी बृद्धि भएको देखिएको छ । दशैँको बेला ग्रामिण भेकमा दुर्गा पूजाको नाममा भारतको बिहारबाट ल्याइएको महिला नर्तकी नचाउने क्रम जारी रहेको छ । यसैक्रममा धनुषाको विभिन्न ठाउँमा ग्रामिण भेकमा ओरकेष्ट्रा नाच नचाउने गरिएको छ । 


धनुषाको धनौजीमा ओरकेष्ट्रा नचाइएको छ । प्रतिबन्धित ओरकेष्ट्रा नचाउने वा नर्तकी लाई जिल्ला प्रहरी कार्यालय धनुषाले मुद्दा पनि चलाएको जिल्ला प्रहरी कार्यालय धनुषाले जनाएको छ । 


चोकदेखि ५० मिटरको दुरीमा मात्र रहेको शसस्त्र प्रहरी बेश क्याम्प, केही दुरीमा रहेको प्रहरी चौकीको बीचमै बेला बेलामा ओरकेष्ट्रा नचाउँदा पनि प्रहरीले निषेध नगर्दा प्रहरीकै सुरक्षामा अश्लिल गीत र नृत्य गर्दा बालबालिकाहरुमा नराम्रो प्रभाव परेको देखिएको छ । 

 

ओरकेष्ट्राका कारण विभिन्न ठाउँमा दुर्घटना, घटनाको समाचार नबाहिरिएको होईनन तर पनि प्रहरी मौन बस्नु प्रहरी उपर स्थानीय भद्रभलाद्मीहरुले शंका जनाउँछन् ।

 

ओरकेष्ट्रा नाच ल्याउँदा पहिले प्रहरीलाई केही रकम दिएर मिलाउनुपर्ने त्यसपछि मात्र नचाउन पाइने गरेको  स्थानीय विनोद ठाकुरले बताए ।

 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस