• २०७५ कार्तिक ३० गते, शुक्रबार
०२:०७ pm

मिर्चैयामा सनराईज बैंकको ९५ औं शाखा विस्तार

बैंकले कृषक, व्यापारी, गरिब र विपन्नहरुलाई विशेष प्राथमिकतामा राखेको छ ।

न्यूज ब्यूरो, सिरहा । सनराईज बैंक लिमिटेडले सिरहाको मिर्चैयामा नयाँ शाखा विस्तार गरेको छ । सर्वसाधारणलाई सहजताका लागि आफ्नो सेवा तथा सुविधाहरुलाई थप विस्तार गर्ने उद्देश्यले बैंकले आफ्नो ९५ औं शाखा कार्यालयको औपचारिक उद्घाटन गरेको हो ।

बैंकले कृषक, व्यापारी, गरिब र विपन्नहरुलाई विशेष प्राथमिकतामा राखेको छ । उद्घाटन समारोहमा कार्यक्रमका मिर्चैया शाखाका नायव महाप्रबन्धक अपछ कुमार यादवले यस शाखाबाट सहज र सरल रुपमा सेवा तथा कर्जा प्रवाह गर्नुका साथै आधुुनिक बैंकिङ्ग सेवा प्रदान गर्ने प्रतिवद्धता जाहेर गर्नुभयो । आफ्नो सेवा क्षेत्रलाई सहरी एवं ग्रामीण तथा वित्तीय पहुँच नपुगेका ठाउँहरुमा पनि शाखा बिस्तार गर्दै लगिने र मुनाफालाई मात्र नहेरी संस्थागत सामाजिक उत्तरदायित्व समेतलाई विषेश जोड दिने बताउनुभयो ।

 

बैंकका शाखा प्रमुख जैसराम यादवले सनराईज बैंक एक सवल र सक्षम बैंकिङ संस्था भएको र सदैव उत्कृष्ट नतिजा हासिल गर्न सफल भएको बताउनुभयो । बैंकले आगामी दिनहरुमा पनि सम्भाव्य ठाउँहरुमा थप शाखा विस्तार गर्दै लैजाने समेत उहाँले थप्नुभयो ।

 

यस बैंकको मुलुक भर १०८ वटा एटिएम र ४ वटा एक्स्टेन्सन काउन्टर संचालनमा रहेको छ भने देशका विभिन्न ठाउँहरुमा २४ वटा शाखारहित बैंकिग सेवा मार्फत सेवाहरु प्रदान गर्दै आएको छ । 


मिर्चैया नगरपालिकाका मेयर श्रवण कुमार यादव र जिल्ला उद्योग वाणिज्य संघका प्रथम उपाध्यक्ष अशोक कुमार साहले औपचारिक रुपमा बैंकको उद्घाटन गर्नुभएको थियो ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

बिनय यादव, सिरहा

सिरहा, ब्यूरो प्रमुख

प्रदेश नं. २, सिरहा – नेपाल

बिनय यादव || न्यूज ब्यूरोका सिरहा जिल्ला प्रतिनीधि सहित सिरहा ब्यूरो प्रमुख समेत हुन् । उहाँ पूर्वाञ्चलको अन्य जिल्लाको पनि समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ | [email protected] | उहाँलाई समाजिक सञ्जाल फेसबुक र ट्वीटरमा पनि भेट्न सकिन्छ ।

प्रतिकृया दिनुहोस