• २०७५ कार्तिक ३० गते, शुक्रबार
१२:५७ pm

९ महिने शिशु 'सोनाली' कहिले न्याय पाउने ? 

दुश्कर्म गरी हत्या गरेर आँपको बगैचाँमा नग्न फालिदिए ।  

                  सम्पादकीय ||


 महोत्तरीको औरही नगरपालिकाको वडा नं. १ स्थित आफ्नै पसलमा खेलिरहँदा ९ महिने शिशु सोनाली चौधरीलाई अपहरण गरी दुश्कर्म पछि हत्या गरियो । 

गत भदौ १० गतेका दिन साँझै एक अपिरिचित युवक आएर आफू सोनालीको बुवालाई चिनेको भन्दै ती अबोध शिशुलाई उठाएर लगे, त्यसपछि दुश्कर्म गरी हत्या गरेर आँपको बगैचाँमा नग्न फालिदिए ।  

 

९ महिने शिशु (बालिका) लाई दुश्कर्म पश्चात हत्या गरेपछि गाउँका महिला, बालबालिका, युवक, वश्यक, वृद्ध, बुद्धिजीवी यहाँ सम्मकी उद्योग वाणिज्य सँघ पनि सडक तताउन आयो । 

कलिलो शिशसँग भएको दुश्कर्म पश्चात बढेको आक्रोस र आवेगलाई तत्कालै स्थानीयवासीन्दाहरुले जाहेर पनि गरे । स्थानीय प्रशासनले ४ दिने अल्टिमेटम बुझदै भदौ २० गतेभित्र जसरी पनि अभियुक्तलाई पक्राउ गरिने आश्वासन पनि दियो । 

 

स्थानीय प्रशासनको आश्वासनपछि साम्य भएको आन्दोलन आश्वसनकै भरमा विलय भयो र सुते त्यहाँका युवा, युवा क्लव, जनप्रतिनीधि, नेता, अगुवा आन्दोलनकारी । ९ महिने सोनालीको अन्तिम सँस्कार त गरियो, तर उनको अभिभावकको, परिवारको पीडाको केही मोल भएनन् ।

 

प्रहरी प्रशासनकै ढिलासुस्ती र कमजोरीपनाले सोनालीको जिकीर साम्य भएको देखिएको छ । स्थानीय युवाहरु देखावटीको लागि मात्र, मिडियामा आउनको लागि मात्र पनि दिखावाको आन्दोलन गरिएको थियो की ? कि सोनालीले न्याय पाइन ? 

 

आज सोनालीको चीर हरण र त्यसपछिको दुश्कर्म र हत्याबाट निस्केको पीडित आत्मा त्यहाँका जिम्मेवार युवा र जनप्रतीनीधिलाई गुहार गर्छन , मैले न्याय कहिले पाउने ? 
 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

काशिन्द्र कुमार शर्मा

सम्पादक

प्रदेश नं. २, जनकपुरधाम - नेपाल

उहाँ त्रिनेत्र न्यूज नेटवर्क प्रा.लि. द्धारा सँचालित न्यूज ब्यूरो अनलाईनका सम्पादक / कार्यकारी सम्पादक हुन । डेस्कमा आएको समाचारलाई सम्पादन फिल्टर गर्ने जिम्मेवारी उहाँका हुन ।

प्रतिकृया दिनुहोस