उमेश यादवलाई नेपाल ल्याउनुस र राममनोहरलाई न्याय दिनुपर्छ : अरगरिया

न्यूज ब्यूरो, नेपाल । संघीय साँसद एवम् संघीय समाजवादी फोरम नेपालका प्रमुख सचेतक समेत रहेका नेता उमा शंकर अगरियाले उमेश यादवलाई सकूशल नेपाल ल्याउन माग गरेका छन् ।

बुधबार साँसद भवनमा बोल्दै उनले विगत १२ वर्षदेखि सउदी अरेबियाको जेलमा कैदी जीवन विताइरहेका धनुषाको कमला नगरपालिका वडा नं. ३ बस्ने भोला यादवका ३७ बर्षिय छोरा उमेश यादव एक पाकिस्तानी नागरिकको हत्या आरोपमा कैदमा रहेका छन् ।

सउदीको तल्लो अदालतले उनलाई मृत्यूदण्डको सजाय सुनाएका छन् भने सउदी स्थित रहेको नेपाली दुतावासले उमेश बचाउको लागि पुनरावेदनमा अपिल गरिसकेको छ । नेता अरगरियाले परराष्ट्र मन्त्रालयको सहयोगमा उमेशको लागि पहल गरिदिन सरकारसँग माग गरेका छन् भने प्रहरी हिरासतमा मृत्यू भएका राम मनोहर यादवको बारेमा समेत बोल्दै उनले निष्पक्ष छानबिन समिति गठन माग गरेका छन् ।

स्वतन्त्र मधेस गठबन्धनका नेता समेत रहेका राम मनोहर यादवलाई न्यायको लागि सरकारसँग माग गरेका छन् ।