९ महिने वालिका हत्या विरोधमा गौशाला बन्द

न्यूज ब्यूरो, नेपाल । महोत्तरीमा ९ महिने बालिकालाई अपहरण गरी हत्या गरिएको विरोधमा गौशाला बजार बन्द गराइएको छ ।

हत्यारालाई कारवाहीको माग गर्दै शुक्रबार विहानैदेखि गौशाला बजार बन्द गराइएको छ भने ठाउँ ठाउँमा टायर बालेर प्रदर्शन समेत गरिएको छ ।

स्थानिय गौशाला सामुदायिक यूवा क्लब एक दिने गौशाला बजार बन्द गराएका हुन् ।

क्लबको पूर्व बैठक बसी महोत्तरीको औरही नगरपालिका वडा नं. १ की ९ महिने बालिका सोनाली चौधरीलाई अपरहणका साथै दुश्कर्म गरी हत्या गरिएपनि प्रशासनले अपराधी समात्न नसकेको भन्दै दबाब स्वरुप गौशाला बजार बन्द गराइएको क्लबका अध्यक्ष विटु प्रसाद साहले जनाए ।

गएको आईतबार साँझ सोनालीलाई अपहरण गरिएको थियो भने सोमबार दिउँसो आँपको बगैँचामा उनको शव फेला परेको थियो ।