• २०७५ कार्तिक ३० गते, शुक्रबार
०१:५५ pm

हार टार्न संघर्षरत नेपालले आठौं विकेट गुमायो


न्यूज ब्यूरो, काठमान्डौँ ।  एसिया कप छनोट क्रिकेटमा युएईले दिएको २५५ रनको चुनौती पछ्याएको नेपाल हार टार्न संघर्षरत छ ।


तर, लगातार विकेट गुमाएका कारण खेलमा फर्कन सकेको छैन । नेपालले आठौं विकेटका रुपमा ३९।५ ओभरमा दिपेन्द्रसिंह एेरीलार्इ गुमाएको छ । उनी व्यक्तिगत ४० रनमा आउट भएका हुन् । ४० ओभरको खेल चलिरहँदा नेपालले ८ विकेटको क्षतिमा १४३ रन बनाएको छ । बिहीबार नेपालका सुवास खकुरेलले अर्धशतक बनाए पनि अरु ब्याट्सम्यान चल्न सकेका छैनन् ।

 

पहिलो खेलमा ८३ रनको अविजित पारी खेलेका सागर पुनसँगै कप्तान पारस खड्का, उपकप्तान ज्ञानेन्द्र मल्ल सस्तैमा आउट भएका छन् । पारसले १६, उपकप्तान ज्ञानेन्द्रले ४ र सागरले ३ रन बनाए ।

 

आरिफ शेख ३ रनमा आउट हुँदा करण केसीले खाता नै खोल्न सकेनन् । यसअघि टस हारेर पहिले ब्याटिङ गरेको युएईले निर्धारित ५० ओभरमा ९ विकेटको क्षतिमा २५४ रन बनाएको थियो ।

 

क्वालालम्पुरस्थित किनरारा एकेडेमी ओभलमा युएईले उत्ृकष्ट सुरुवात गरेको थियो । युएईका लागि चिराग सुरीले ६५, अद्नान मुफ्तीले अविजित ५७, अश्फाक अहमदले ४५ र र रमिज शाहजादले ३६ रन बनाए ।


सन्दीपले पूरै १० ओभर बलिङ गर्दै २ ओभर मेडन राख्दै २४ रन खर्चेर ४ विकेट लिन सफल भए । त्यस्तै, नेपालका लागि बसन्त रेग्मी र सोमपाल कामीले समान २÷२ विकेट लिए । 


बसन्तले १० ओभर बलिङ गर्दै ४९ रन खर्चेर २ विकेट लिए । सोमपालले १० ओभर बलिङ गर्दै ५८ रन खर्चेर २ विकेट लिए ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस