९ महिने बालिका हत्याको विरोधमा आज दिनभरि बजार र बाटो बन्द गर्ने

न्यूज ब्यूरो,नेपाल । महोत्तरीमा ९ महिने बालिकालाई अपहरण गरी हत्या गरेको विरोधमा एक दिनको लागि बजार र बाटो बन्द गर्ने भएको छ ।

महोत्तरी उद्योग वाणिज्य सँघले आज विहान ८ बजेदेखि दिनभरि नै बजार, पसलहरु ठप्प पार्ने भएको छ भने स्थानीयहरुले आ- आफ्नो ठाउँको बाटो अवरुद्ध गर्ने जनाइएको छ ।

गत आईतवार साँझ एक नौ महिने बालिकालाई अपहरण गरी हत्या गरेर फालेको अवस्थामा भेटिएपछि महोत्तरीको माहौल तातिएको हो ।महोत्तरीको औरही नगरपालिका वडा नं. १ बस्ने सँतोष चौधरीकी ९ महिने छोरी सोनाली चौधरीलाई एक अपरिचित व्यक्तिले खेलाउन लैजाँदै निहुँमा हत्या गरी फालिएपछि प्रहरीले सोमबार शव फेला पारेको थियो ।

बालिकालाई कपडाहरु फुकालेर शवबाट पर फालेको थियो भने शवको प्रकृति हेर्दा उक्त ९ महिने बालिकासँग दुश्कर्म समेत भएको पोष्टमार्टममा सँलग्न चिकित्सक डा स्वाती गुप्ताले बताईन् ।

हालाकी यसको पोष्टमार्टम रिपोर्ट आईनसकेको छ । औरहीवासीले यस घटनाको विरोधमा स्थानीय प्रशासन तथा सरकारलाई जागरुकताको लागि चरणवद्ध आन्दोलनको तयारी समेत गरेका छन् ।