अपहरण अपडेट : महोत्तरीबाट अपहरित ९ महिने बालिकाको शव खेतमा भेटियो !

न्यूज ब्यूरो |  

आईतवार साझ औरही नगरपालिका वडा नं. १ स्थित आफ्नै कस्मेटिक पसलबाटै अपहरणमा परेकि ७ महिना कि वालिका मृत भेटिएकि छन् ।

 भंगहा नगरपालिका वडा नं। ७ मेघनाथ गोरहन्ना स्थित आपको वगैचामा आपकै रुखमुनी उनी मृत भेटिएकि हुन । उनको घाटी थिचेर मारेको घटना स्थलको प्रकृतिले देखाएको प्रहरीको भनाई छ । 

 

 

प्रतिनिधी सभा सदस्य शरत सिंह भण्डारीको घरबाट करिव ५ सय मिटरको दुरीमा फेला परेको वालिकाको शव नांगो अवस्थामा रहेको र कपडाहरु शव वरिपरि फालिएको प्रत्यक्षदर्शीहरुले वताए ।

 घटना स्थलमै एउटा चशमा र विस्कुटको प्याकेट समेत फेला परेको छ । उक्त स्थान औरही वजारबाट करिव एक किलोमिटरको दुरीमा छ । 

 

 

 

यसरी भएको थिया अपहरण : 

आईतवार साझ मात्र आफ्नै पसलमा खेल्दै गर्दा एक अपरिचत व्यक्तिले वालिका झुक्याएर लगेको थियो ।  औरही नगरपालिका वडा नं। १ स्थित फैन्सी पसलको काउण्टरमा खेल्दै गरेकि वालिका सोनाली चौधरीलाई अपरिचित व्यक्तिले लगेका थिए ।

 

 वच्चा लग्ने व्यक्तिको सिसिटिभी फुटेजबाट पहिचान भैसकेको र तत्कालै उनको खोजी कार्य प्रहरीले जारी राखेका थिए । यता महोत्तरी उद्योग वाणिज्य संघ औरही शाखाले समेत औरहीका सवै पसलहरु बन्द गराई सवै व्यापारी वच्चाको खोजीमा सोमवार विहान निस्केको थियो । 

 

हाल घटना स्थलमा वालिकाका आफन्तहरु पुगेको र प्रहरीले मुचुल्का उठाईरहेको जिल्ला प्रहरी कार्यालय महोत्तरीले जनाएको छ ।