धनुषा मोटरसाईकल ठोक्किदा एकको टाउको फाटयो, विराटनगर रिफर !

न्यूज ब्यूरो |
जनकपुरधाम, ६ भदौ । धनुषामा मोटरसाईकल दुर्घटना परेर एक जना शख्त घाईते भएका छन् ।

धनुषाको पर्यटकीय स्थल धनुषाधाम नगरपालिका वडा नंं १ प्राथमिक स्वास्थ्य केन्द्र कार्यालयको करिब ३०० मिटरको दुरीमा रहेको कलभर्टमा मोटरसाईकल ठोक्किदाँ एक ४५ वर्षीय पुरुषको टाउको फाटेको हो ।

धनुषाधाम देखि इनरुवा जाने बाटोमा ज ४ प ३९९७ नम्बरको मोटरसाईकलमा सवार महोत्तरी भँगहा नगरपालिका सिङगयाही बस्ने वर्ष ४५ को राम बहादुर कापरको टाउकोमा गम्भिर चोट लागेको ईलाका प्रहरी कार्यालय धनुषाधामले जनाएको छ ।

गम्भिर घाईते कापरलाई प्राथमिक उपचारपछि थप उपचारको लागि जनकपुर ल्यार्ईएको र जनकपुर अञ्चल अस्पतालमा उपचार सम्भव नभएपछि सघन उपचारको लागि विराटनगर न्यूरो हस्पिटल रिफर गरिएको प्रहरीले जनाएको छ ।

धनुषाको चन्द्रमोहन कन्स्ट्रक्सन निर्माण कम्पनीले उक्त सडकखण्डमा सडक निर्माण सहित पूल र कलभर्ट निर्माणको ठेक्का लिएका हुन् ।पूल निर्माण भईरहेको ठाउँमा डाईभर्सना वा निर्माण कार्य भइरहेको जस्तो कुनै पनि साँकेतिक वा चेतावनी बोर्ड नराखिएकै कारण दुर्घटना भएको प्रत्यक्षदर्शीहरु बताएका छन् ।

यता, कन्स्ट्रक्सन कम्पनीका ठेकेदार चन्द्रमोहन साहसँग सम्पर्क गर्न खोज्दा सम्पर्कमा आएनन् ।