• २०७५ भदौ ६ गते, बुधबार
०१:०९ pm

धनुषामा दाजुभाइको दियादी झगडामा एकको हत्या !

न्यूज ब्यूरो |

जनकपुरधाम, २१ साउन । धनुषामा दुई दाजुभाइबीच झगडा हुँदा एकको हत्या भएको छ ।

 


धनुषाको जनकपुरधाम उपमहानगरपालिका वडा नम्बर १९ बेङगाशिवपुरमा आइतबार राति करिब साढे ८ बजेको समयमा स्थानीय ५० वर्षीय रामवृक्ष यादव र ५० वर्षकै अरुण यादवबीच दियादी विवाद हुँदा एकको हत्या गरिएको हो ।

 


रामबृक्ष र अरुणबीचको भनाभन उग्र भएपछि अरुणका ३० वर्षीय छोरा अतिशन्दर यादवले प्रहार गरेको धारिलो हतियारको प्रहारबाट रामबृक्षको हत्या भएको प्रहरीले जनाएको छ । 

 


घटनामा अरुणका छोरा अतिशन्दरले रामबृक्षका २८ वर्षीय छोरा रामसोगारथ यादवलाई समेत धारिलो हतियार प्रहार गरी गम्भीर घाइते बनाएको प्रहरीले जनाएको छ । उनको स्थानीय अस्पतालमा उपचार सम्भव नभएपछि उनलाई काठमाडौं रिफर गरिएको प्रहरीले बताए ।

 

यता, अरुण र उनका छोरा अतिशन्दरलाई नियन्त्रणमा राखिएको जिप्रका धनुषाले जनाएको छ ।
 

resized image

न्युज ब्युरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ | मुख्य कार्यालय : प्रदेश नं. २, जनकपुरधाम- २, कदमचोक |फोन नं. +97741-420085 | ईमेल ठेगाना - Trinews45@gmail.com

प्रतिकृया दिनुहोस