• २०७५ कार्तिक १ गते, बिहीबार
०८:२७ am

एचए छात्रवृति परीक्षा काण्ड : दोषीलाई कारवाहीको लागि नेविसंघको धर्ना


न्यूज ब्यूरो |
जनकपुरधाम, १७ साउन ।
गत साउन १२ गते शनिबार एचए छात्रवृति परीक्षामा जनकपुरको संकटमोचन केन्द्रबाट परीक्षा अगावै प्रश्नपत्र आउट भएको घटनाप्रति नेविसंघ धनुषाले सक्रियता बढाएको छ । 

 

एचए छात्रवृतिको लागि भएको परीक्षामा उक्त केन्द्रबाट सिटीईभिटी, केन्द्राध्यक्षको समेत संलग्नतामा प्रश्नपत्र आउट भएको भन्दै दोषीलाई कारवाहीको लागि माग गरेका छन् ।

नेविसंघ धनुषाका अध्यक्ष सुजित मिश्रको नेतृत्वमा नेविसंघ धनुषाले जिल्ला प्रशासन कार्यालय धनुषा अगाडी दोषीलाई कारवाहीको माग गर्दै धर्ना बसेका हुन् ।

 

केन्द्रमै रहेको सिसिटीभी क्यामेराको फुटेज अनुसार दोषी छान्न प्रसस्त प्रमाणको आधार रहेको भन्दै यदि दोषी उपर कारवाही नगरिए कडा संघर्ष र आन्दोलनको चेतावनी समेत दिएका छन् ।

 

नेविंघ धनुषाका अध्यक्ष मिश्रले विहिबार एक प्रेस विज्ञप्ति जारी गर्दै घटनाको छानबिन गरी दोषीलाई कारवाही नगरे आन्दोलन पश्चात हुने क्षतिको सम्पूर्ण जिम्मेवारी स्थानीय सरकारले लिनुपर्ने जनाएका छन् ।

 

गरिब, दलित, जेहेन्दार विद्यार्थीसँग अन्याय सहन नहुने भन्दै प्रशासनलाई दबाब स्वरुप धर्ना जिप्रका धनुषा अगाडी धर्ना दिएका हुन् ।

प्रश्नपत्र परीक्षा अगावै आउट भएपछि  सिटीईभिटीका छानबिन टोली जनकपुर आएर छानबिन गर्दैछन् ।


 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस