• २०७५ पौष ४ गते, बुधबार
१२:५२ pm

साउन चढे पनि अहिलेसम्म मात्र ५० प्रतिशत धान रोपाई !

 

बाबु प्रेम यदुवन्शी |
महोत्तरी, २ साउन ।
 साउन महिनासम्म धान रोपनी सम्पन्न भईसक्नेमा अहिलेसम्म महोत्तरीमा पचास प्रतिशत धान रोपाई मात्र भएको जिल्ला कृषी विकास कार्यालय महोत्तरीले जनाएको छ ।

 

वर्षाका कारण धानको वेर्ना ढिलो गरि राखिएकोले हालसम्म ५० प्रतिशत मात्र रोपाइ हुन सकेको कार्यालयले बताएको छ ।


महोत्तरीमा ६७ हजार ३५२ हेक्टर जग्गामा खेती योग्य भएकोमा ४६ हजार पाचसय हेक्टरमा धान खेती भैरहेकोमा उक्त जग्गाको पचास प्रतिशत रोपाई भएको र सो मध्ये उत्तरी क्षेत्रमा उत्त पचास प्रतिशतलाई सय मान्दा सो को सत्तरी प्रतिशत र दक्षिणी क्षेत्रमा ३० प्रतिशत रोपाई भएको वरिष्ट कृषी विकास अधिकृत ओम प्रकाश विराजीले बताए । 


प्राय आकाशे पानी कै भरमा  खेती हुने गरेकोमा विगत केहि दिन देखि वर्षाले साथ दिएको र खेतहरुमा चाहिएको मात्रा भन्दा पनि वढी पानी आएपनि मौसक अनुकुल भएपछि अनावश्यक पानी हट्ने क्रमसंगै रोपाईमा गति आईरहेको उनले बताए ।

 

 उनले मौसक अझै अनुकुल भए ८० प्रतिशतसम्म धान खेती हुन सक्ने सम्भावना रहेको बताए ।


यता गत वर्ष ४६ हजार हेक्टरमा धान खेती भएकोमा ३.३० मेट्रिक टन प्रति हेक्टर धान उत्पादन भएको कृषी विकास कार्यालयको तथ्यांक छ । कार्यालयले यस आर्थिक वर्षमा समेत राम्रै धान उत्पादन हुन सक्ने सम्भावना रहेपनि मौसक परिवर्तन भए उत्पादनमा समेत असर पर्ने कार्यालयको भनाई छ । महोत्तरीमा ३५ देखि ४० प्रतिशत खेतमा मात्र सिंचाईको पहुच छ ।

 

किसानले पाएनन विउ विजन र खाद्य :

महोत्तरीका अधिकांश कृषकले धान खेतीको लागि विउ विजन र खाद्य नपाएको गुनासो गरेका छन । एकडारा गाउपालिका वडा नं. ५ का कृषक उत्तिम महतोले आफुले धानको विउ विजन तथा खाद्यको सहयोग नपाएको गुनासो गरे । यता एकडारा गाउपालिकामा विउ वितरण,तालिम,गोष्ठी र विरुवा वितरणमा ३३ लाख २० हजार रकम खर्चिएको एकडारा गाउपालिकाको तथ्यांक छ ।

 
उद्योग,कलकारखाना  न्युन रहेको महोत्तरीका करिब ८६ प्रतिशत जनता खेतिमै निर्भर रहेका छन । महोत्तरीको उत्तरी भेगका ४०३० हेक्टर जग्गामा मात्र सिचाईको व्यवस्था रहेको छ । 


जिल्लाकै रामगोपालपुर नगरपालिका तथा अन्य केहि क्षेत्रहरुमा सिचाईको पहुच  भएका स्थानहरुमा भने रोपाई राम्रो भैरहेको देखिएको छ ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस