• २०७५ असोज ९ गते, मंगलबार
०६:४८ pm

औरही गाउँपालिकाका युवाहरुले भ्रष्टाचार विरुद्ध अभियान थाले

न्यूज ब्यूरो |

सिरहा, २६ असार । सिरहाको औरही गाउँपालिकाका युवाहरुले मौलाइरहेको भ्रष्टाचार रोक्नका लागि अभियान थालेका छन् । स्वतन्त्र युवा समाज औरहीका युवाहरुले गापाका विभिन्न वडाहरुमा अभियान थालेका हुन् ।

 

बिकास निर्माणका काम धेरै ठाउँमा सुरु समेत नभएको, धेरै कमै ठाउँमा भएपनि त्यो बिकासको काममा चरम लापरबाही भएको, ग्राभेल भएको ठाउँ समेत हिलैहिलो भएको, आरसिसि इस्टिमेटमा ८ इन्च भएपनि ६ इन्चसम्म मात्रै ढलान हुँदा कसरी बजेट पास भयो, वडा कार्यालय, स्वस्थ्य चौकीजस्ता कार्यालयहरु १२ देखि २ बजेसम्म किन बन्द रहने गरेको, पहिले बनाइएको योजना कार्यन्वयन नभई फेरि बिना हिसाब किताबकै अर्को परिषद गर्ने तयारी किन भइरहेको लगायतका विभिन्न विषयमा खबरदारीका लागि अभियान थालिएको हो ।

 

अभियानका क्रममा जुनसुकै वडामा भ्रष्टाचार गर्ने, सूचना लुकाउने, सूचना दिन आनाकानी गर्ने जो कोहीलाई नछाड्ने युवाहरुले खबरदारी गरेका हुन् ।

 

विकासमा र बजेटमा अनियमितता भइरहेको बताउँदै युवाहरुले त्यसको छानविन गर्न प्रशासनलाई आग्रह समेत गरेका छन् ।

 

युवाहरुले यससँगै भ्रष्टाचार विरुद्धको हस्ताक्षर अभियान पनि सञ्चालन गरेका छन् । अभियानको अन्त्यमा एकदिन गाउँपालिकाको कार्यालय घेराउ र धर्ना कार्यक्रम समेत गर्ने बताइएको छ ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

बिनय यादव, सिरहा

सिरहा, ब्यूरो प्रमुख

प्रदेश नं. २, सिरहा – नेपाल

बिनय यादव || न्यूज ब्यूरोका सिरहा जिल्ला प्रतिनीधि सहित सिरहा ब्यूरो प्रमुख समेत हुन् । उहाँ पूर्वाञ्चलको अन्य जिल्लाको पनि समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ | [email protected]il.com | उहाँलाई समाजिक सञ्जाल फेसबुक र ट्वीटरमा पनि भेट्न सकिन्छ ।

प्रतिकृया दिनुहोस