• २०७५ पौष २ गते, सोमबार
०७:१४ am

जनकपुरको जानकी मन्दिर अब यस्तो बन्दै, भोली सम्झौता हुँदै 


न्यूज ब्यूरो |
जनकपुरधाम, २४ असार ।
 विश्वप्रसिद्ध जनकपुरको जानकी मन्दिरलाई विद्युतिय सजाबट गर्न लागिएको हो ।


विश्वमै प्रसिद्ध रहेको प्रदेश २ को अस्थायी राजधानी जनकपुरको पहिचान जगत जननी माता जानकी मन्दिरललाई थप सौन्दर्यीकरणको दृष्टिकोणले विद्युतियकरण मार्फत सजाबट गर्ने भएको छ । 

 

यसको लागि गैर आवासीय नेपाली संघ (एनआरएन) र जानकी मन्दिर गुठीसँस्थानबीच मन्दिरलाई विद्युतियकरण सजाबटको लागि सम्झौता हुने भएको छ । 

 

जानकी मन्दिरलाई विद्युतिय सजाबटको लागि निरन्तर पहलकर्ताको भूमिका निर्वाह गर्दै आएका मनिष झा गैर आवासीय नेपाली संघ र जानकी मन्दिर गुठीबीच दिउँसो १ बजे सोमबार पत्रकार सम्मेलन गरी सम्झौता पत्रमा हस्ताक्षर हुने जनाइएको छ । 


गैर आवासीय नेपाली संघका सँस्थापक अध्यक्ष डा. उपेन्द्र महतोको विशेष उपस्थितिमा जनकपुर उपमहानगरपालिकाका मेयर लालकिशोर साह र जानकी मन्दिरका महन्थ राम तपेश्वर दास बैष्णवको समेत उपस्थितिमा सम्झौता पत्रमा हस्ताक्षर हुने जनाइएको छ ।  

 

सम्झौता पत्रमा हस्ताक्षर भने गैर आवासीय नेपाली संघका वर्तमान अध्यक्ष भवन भट्ट र जानकी मन्दिरका महन्थ राम तपेश्वर दासबीच हुनेछ । 

 

मन्दिरको विद्युतीयकरण परियोजनाको लागि गैर आवासीय नेपाली संघका सल्लाहकारद्धय रामेश्वर साह र सुभाष अधिकारीको समेत उपस्थिति रहने जनाइएको छ । 

परियोजनाका लागि अनुमानित लागत ३ करोड ५० लाख रहेको जानकारी गराइएको छ । 

 

पत्रकार सम्मेलन दिउँसो १ बजे जानकी मन्दिर परिसरमा गरिने जनाइएको छ । 

 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस