• २०७५ असोज ९ गते, मंगलबार
०६:२४ pm

धनुषाको क्षिरेश्वरनाथ नगरपालिकामा स्कूल स्तरीय फुटबल प्रतियोगिता सुरु 

बिनय कुमार यादव |
जनकपुरधाम, १७ असार ।
धनुषाको क्षिरेश्वरनाथ नगरपालिकामा स्कूल स्तरीय फुटबल प्रतियोगिता सुरु भएको छ । अखिल नेपाल फुटबल संघको आयोजना र क्षिरेश्वरनाथ नगरपालिकाको सहयोगमा शनिबारदेखि स्कूल स्तरीय फुटबल प्रतियोगिता सुरु भएको हो । 

 

अखिल नेपाल फुटबल संघको आयोजना र क्षिरेश्वरनाथ नगरपालिकाको सहयोगमा सुरु भएको फुटबल प्रतियोगिता क्षिरेश्वर स्पोर्ट्स क्लबका अध्यक्ष केवल मुखियाको अध्यक्षता एवम् क्षिरेश्वरनाथ नगरपालिकाका नगर प्रमुख योगेन्द्र पंजियारको प्रमुख आतिथ्यमा विधिवत रुपमा उद्घाटन गरिएको हो ।

 

प्रतियोगितामा जिल्ला भरिका १५ वटा टिम सहभागी भएका छन् । प्रतियोगिता क्षिरेश्वर जनता उमाविको ग्राउन्डमा सुरु भएको छ ।

 

पहिलो खेलमा क्षिरेश्वर जनता मावि महेन्द्रनगर र सरस्वती मावि बफै भिड्नेछन् भने दोस्रो खेलमा बि गोदार र नव शान्ति बिरेन्द्र बजार आमने-सामने हुनेछन् । फाइनल खेल असार ३० गते हुने आयोजकले जनाएको छ । प्रतियोगितामा प्रथम विजेतालाई १५००० दोस्रोलाई १०००० रुपैयाँ र सिल्डले पुरस्कृत गरिनेछ ।  

 

उद्घाटन कार्यक्रमको प्रमुख अतिथीमा मेयर योगेन्द्र पंजियार, विशिष्ट अतिथीमा कबड्डी संघका अध्यक्ष सरोज सिंह, पुर्व फुटबल प्रशिक्षक सुरेन्द्र खाती, पुर्व कबड्डी प्रशिक्षक रामनारायण राई, जिल्ला फुटबल कोषाध्यक्ष मुरारी अधिकारी, वडा ४ का वडाध्यक्ष जगदीश यादव, ७ का रामकृष्ण यादव, कार्यपालिका सद्स्य बिरेन्द्र सिंह, फुटबलका कार्यबाहक सुरेश शर्मा, ईलाका प्रहरी महेन्द्रनगरका इन्चार्ज, स्थानीयवासी, बुद्धिजीवी, समाजसेवी लगायतका उल्लेखनीय सहभागिता रहेका थिए ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

विनय कुमार यादव

संवाददाता

प्रदेश नं. २, धनुषा - नेपाल

विनय कुमार यादव || उहाँ न्यूज ब्यूरोको धनुषा जिल्ला सहकर्मी हुन् । धनुषाको उत्तरीपूर्वी भेगका जानकारी तथा समचारको लागि उहाँ प्रतिनीधित्व गर्दैहुनुहुन्छ | मोबाईल नं. : +9779844401154 , 9803142770 |

प्रतिकृया दिनुहोस