• २०७५ असोज ९ गते, मंगलबार
०७:१९ pm

धान दिवसमा पनि महोत्तरीका अधिकांश खेत वाझै

 

रंजन भण्डारी |
महोत्तरी,१५ असार ।
देशै भर हर्षोल्लासका साथ धान दिवस मनाईरहदा महोत्तरीका अधिकांश किसान आकाशे पानी पर्खेर वसेका छन ।

 

एकडारा गाउपालिका वडा नं. ५  वहेराका उत्तिम महतो पानी पर्ने र धान रोप्न पाउने आशमा खेतको आली वनाईरहेको भेटिए । उनी अहिले खेत व्यवस्थित गरेर राख्ने र पानी पर्ना साथ धान रोपिहाल्ने भन्दै चर्को घाममै कोदालो चलाउन व्यस्त देखिए ।

 

 

उनी जस्तै एकडारा वडा नं. ६,औरही,जलेश्वर,मनरा,मटिहानी लगायतका अधिकांश स्थानका किसानहरु मध्ये केहिले दमकल र अन्य माध्यमले पानीको जोहो गरि खेत रोप्दैछन भने केहि अझै आकाशे पानीको आशमै वसेका छन ।

 

जलेश्वर वडा नं. ५ का किसान राम नारायण साह भन्छन आफुसंग थोरै जग्गा भएर अन्यहरुसंग जग्गा  सापटी लिएर धान रोप्न ठिक्क परेको थिए तर वर्षा पनि भईदिएन र पानीको अर्को कुनै श्रोत समेत नभएकोले कसरी खेती गर्ने भनेर बिचल्लीमा परेको छु ।

 

धान रोप्ने समयमा वर्षा नभईदिदा किसानहरु खेतमा समेत जान छोरेका छन । समयमा धानको खेती नभईदिदा पर्याप्त तापक्रमको कमि हुन गई धानको दाना फोस्रो हुने समस्याले किसानहरु पिरोलिएका हुन । वैदेशिक रोजगारीमा जानेमा नेपालकै दोस्रो जिल्ला रहेको महोत्तरी युवा विहिन बन्दै गएको अवस्थामा   जसो तसो खेती गर्ने बृद्धहरु पानीको अभावमा न छोराकै साथ न  खेतीकै आश भन्न थालेका छन ।

 

 

गत आर्थिक वर्षमा ४६ हजार ५०० हेक्टर जग्गामा धान खेती भएकोमा यस पटक मौसमले साथ दिए ४७ हजार हेक्टरसम्म पुग्न सक्ने सम्भावना रहेपनि ३५ देखि ४० प्रतिशत मात्र सिचाईको पहुच भएकोले आकाशे पानीले साथ नदिए गत वर्ष भन्दा पनि कम खेती हुन सक्ने वाली विकास अधिकृत दिनेश प्रसाद यादवले बताए । महोत्तरीमा कुल खेती योग्य जग्गा ६७ हजार हेक्टर छ ।

 

उद्योग,कलकारखाना  न्युन रहेको महोत्तरीका करिब ८६ प्रतिशत जनता खेतिमै निर्भर रहेका छन । महोत्तरीको उत्तरी भेगका ४०३० हेक्टर जग्गामा मात्र सिचाईको व्यवस्था रहेको छ ।

यता धान खेतीको लागि उन्नतजातका विउ विजन वितरण हुनु पर्ने भएपनि अधिकांश पालिकाको केहि वडा वाहेकमा  वगेयाका किसान लक्ष्मी यादवले वताए ।

 

यता जिल्लाकै रामगोपालपुर नगरपालिका तथा अन्य केहि क्षेत्रहरुमा सिचाईको पहुच  भएका स्थानहरुमा भने रोपाई सुरु भएको छ  ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस