• २०७५ पौष ४ गते, बुधबार
०१:१० pm

न्यूज ब्यूरोको प्रभाव : खजुरीका ईन्सपेक्टर एक्सनमा, अबैद्य भठ्ठी नास गर्दै सँचालकहरुलाई दबोचे !


न्यूज ब्यूरो |
जनकपुरधाम, १५ असार ।
गत बुधबार घरेलु मदिरा सेवनका कारण पूर्वी धनुषामा ४ जनाको मृत्यू भएपछि प्रहरी एक्सनमा आएका छन् ।

 

गत मँगलबार राती कमला नगरपालिका वडा नं. ५ लक्कड चोकमा घरेलु मदिरा सेवन गरेपछि बुधबार अपहान्ह ४ जनाको मृत्यू भएको थियो । 

 

घरेलु मदिरा सेवनका कारण नै उनीहरुको मृत्यू भएको तथा प्रहरी चौकीको केही दुरीमै अबैद्य भठ्ठीहरु सँचालनमा रहेको खवर स्थानीय स्तरबाट न्यूज ब्यूरो डिजिटल पत्रिकाले समाचार सम्प्रेषण गरेपछि ईलाका प्रहरी कार्यालय खजुरीका प्रहरी नीरिक्षक तथा ईन्चार्ज शेषराज थन्दार एक्सनमा आएका छन् ।

 

एक्सनमा आएका प्रहरी ईन्सपेक्टर थन्दारले अबैद्य मदिरा विक्रि वितरणमा सँलग्न रहेको आरोपमा ७ जनालाई पक्राउ गरेको छ । 

 

पक्राउ पर्नेमा कमला नगरपालिका वडा नं. ६ मडान बस्ने बर्ष ३५ का मोहन पासवान, ३० बर्षिय अशेश्वर पासवान, बर्ष ३२ का विजय श्रेष्ठ, कमला नगरपालिका वडा नं. १ बस्ने बर्ष ३७ का राम सुन्दर साह, वडा नं. ९ का जिमदार मण्डल र जनकनन्दनी गाउँपालिका वडा नं. ६ बल्का कठाल बस्ने बर्ष ३६ का बीरेन्द्र साह रहेका छन् ।

 

न्यूज ब्यूरोमा खजुरी लगायत बल्का कठाल सहितको क्षेत्रमा अबैद्य मदिरा भठ्ठी सँचालनमा रहेपनि प्रहरीले कुनै चासो नदेखाएको भनेर समचार आएपछि प्रहरी नीरिक्षक थन्दार एक्सनमा आएका हुन् ।

 

न्यूज ब्यूरोसँग कुरा गर्दै ईन्सपेक्टर थन्दारले भने, "उनी सातै जनालाई अनुसन्धानको लागि पक्राउ गरिएको छ । घरेलु मदिराको कारणले ४ जनाको ज्यान गएपछि पूर्वी धनुषाको विभिन्न गाउँमा सँचालित अबैद्य मदिरा भठ्ठी तथा पसलहरुमा छापामारी सुरु गरेका छौँ । यसमा बीरेन्द्र साह भनेको कठालका हुन, यीनको अबैद्य मदिरा भठ्ठी सँचालनमा थियो, घरेलु मदिरा उत्पादन गरिरहेको थियो । तर यसअघि नै हामीले चुलोसुलो सबै तोडफोड गरिसकेका थियौँ, तर अहिले खोजी खोजी नष्ट पार्ने काम तीव्र रुपमा गरिरहेका छौँ ।"

 

प्रहरीका अनुसार, ४ जनाको बुधबार नै ज्यान गएको छ भने बुधबार अबेर राती थप दुई जनाको ज्यान गएको छ । 

 

ज्यान जानेहरुमा  कमला नगरपालिका– ५ लक्कड बस्ने ४० वर्षीय रामनाथ पासवान, ५० वर्षीय रामचन्द्र पासवान, वडा नम्बर ६ संग्याही मडानका ४५ वर्षीय साबिर अन्सारी र ३६ वर्षीय मणि पासवानको दिउँसो तथा सिंग्याही मडानका गंगा पासवान र राजवीर महतोको राति मृत्यु भएको हो ।

 

उनीहरूसँगै मदिरा सेवन गरेर सिकिस्त भएका तीनजनाको अवस्थामा भने सुधार आएको छ । 

 

जनकपुर अञ्चल अस्पतालमा उपचार भइरहेका सिंग्याही मडानका विनय ठाकुर, भारत बिहार मोतिहारीका मनोज साह र धनुषा अस्पतालमा उपचार भइरहेका जामुन मण्डलको स्वास्थ्यमा सुधार भइरहेको छ । ठाकुर र साहलाई जनकपुर अञ्चल अस्पतालको आइसियूमा राखिएको छ ।

 

विहिबार समेत प्रदेश सभाको बैठकमा प्रदेशसभा सदस्यहरुले मदिरा प्रकरणको मुद्दा उठाएपछि धनुषा प्रहरीको ध्यानाकर्षण भएको छ । 

प्रदेश सरकारले समेत उक्त घटनालाई प्राथमिकताका साथ लिएका छन् । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस