• २०७५ पौष ४ गते, बुधबार
१२:५२ pm

प्रदर्शनको क्रममा नेता "नविन यादव" सहित दर्जनबढी प्रदर्शनकारी पक्राउ , जनकपुर तनावग्रस्त !


न्यूज ब्यूरो |
जनकपुरधाम, ३० जेठ ।
जनकपुर अञ्चल अस्पतालका मेडिकल सुपरिटेन्डेन्ट डा. राम परीक्षण यादव उपर भएको मसी प्रकरणमा जनकपुरमा आन्दोलन उग्र रुप लिएको छ । 

 

मेसु यादव उपर मसी छर्केका युवाहरुलाई पक्राउ गरेपछि जनकपुर तातिएको हो । पक्राउ परिएका नेपाली काँग्रेसका भातृ सँगठन तरुण दलका जिल्ला उपाध्यक्ष राकेश विक्रम साह सहित अन्यलाई पनि रिहाईको माग गर्दै जनकपुरमा आन्दोलन चर्किएको हो ।

 

पक्राउ परेका प्रर्दशनकारी जिल्ला प्रहरी कार्यालय धनुषामा 

 

आन्दोलन चर्किएपछि पक्राउ गरिएका युवाहरुलाई शिघ्र रिहाईको माग गर्दै प्रदर्शनमा उत्रेका मधेस क्रान्ति फोरमका धनुषा जिल्ला सँयोजक नविन यादव सहित दर्जनौ युवाहरुलाई प्रहरीले जनकपुरको विभिन्न ठाउँबाट पक्राउ गरेका हुन् ।

 

पक्राउ पर्नेमा, मधेस क्रान्ती फोरममा जिल्ला सँयोजक नविन यादव, राजपा निकट प्रशान्त झा, ध्रवेन्द्र साह, प्रदिप मिश्र , अजय गुप्ता , अजित शर्मा मधेस क्रान्ती फोरमका पँकज साह सहित नेपाली काँग्रेसका पँकज महतो, नेपाली काँग्रेसका विद्यार्थी भातृ सँगठन नेविसँघ धनुषाका अध्यक्ष सुजित झा तथा छोटु साह, भरत साह, अमित गुप्ता लगायतका युवाहरु रहेका छन् ।

 

युवा नेता यादवलाई जनकपुरको भानुचोकबाट पक्राउ गरिएको बुझिएको छ । निःशर्त रिहाईको माग गर्दै युवाहरुले विभिन्न ठाउँमा टायर बालेर प्रर्दशन गरेका छन् भने प्रदर्शनकै क्रममा प्रहरीले उनीहरुलाई पक्राउ गरिएको जनाइएको छ । 

 

युवाहरुलाई पक्राउ गरिएपछि आन्दोलन झन चर्किएको हो । 

 

गत २७ गते जेठमा चिकित्सको लापरवाहीले जनकपुर अञ्चल अस्पतालमा एक सुत्केरीको मृत्यूभएपछि अस्पतालको प्रणाली सुधारको लागि ज्ञापन पत्र बुझाउ जाँदा मेसु यादव उपर कालोमसी छेर्केपछि प्रहरीले केही युवाहरुलाई पक्राउ गरेका थिए । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस