• २०७५ पौष ४ गते, बुधबार
०१:३९ pm

जनकपुरका सुभाषले बनाए साईबर क्राईम रोक्ने ATI मेसिन, विश्वमै पहिलो !


न्यूज ब्यूरो |
जनकपुरधाम, २७ जेठ ।
प्रविधिसँगै बढदै गएको साईबर अपराध नियन्त्रण गर्न जनकपुरका एक युवकले साईबर अपराधन रोक्ने मेसिन बनाएका हुन् ।


भीडभाड अथवा सार्वजनिक स्थलमा हुने साईवरक्राईम न्युनिकरण गर्ने अत्याधुनिक यन्त्र निर्माण गरेका छन् । 


धनुषा जनकपुर उपमहानगरपालिका वडा नं. ९ पिडारीचोक बस्ने विष्णु कुवरका २७ बर्षिय सुभाष कुवरले साईवरक्राईम नियन्त्रण गर्ने मेसिन बनाउन सफल भएका छन् ।


ती मेसिनले कुनै पनि स्थलको विषेश जानकारी दिने भएकोले एटीआई (एनी टाईम ईन्टरनेत) नाम राखिएको छ ।

 


कम्प्युटर ईन्जिनियर पढेका सुभाषले  दुई वर्ष अघि नै यस मेसिनका निर्माण गरेका थिए । उनले निर्माण गरेको एटीआई यन्त्र पहिलो पटक केहि दिन अघि जनकपुर विमानस्थलमा परीक्षण स्वरुप जडान गरेका थिए ।


जनकपुर विमानस्थलमा एटीआई यन्त्रणको सफलता पूर्वक परिक्षण गरी कुवरले शनिवार जनकपुरमा पत्रकार सम्मेलन गरी उक्त मेसिनलाई सार्वजनिक गरेका हुन् । 


प्रदेश नं. २ का समाजिक विकास मन्त्री नवल किशोर साहको उपस्थितिमा एटीआई यन्त्रणको विषयमा जानकारी सार्वजनिक गरिएको हो । 

 


यस यन्त्रणको प्रयोगले पर्यटक लगायत सर्वसाधारणहरुलाई फाईदा हुने र साईवर अपराध लगायत अमाञ्चित गतिविधिहरु नियन्त्रण गर्न सहायक बताइएको छ।


पहिलो पटक एटीआई यन्त्र निर्माण गरेकाले सरकारबाट यसको जडान गर्ने अनुमति पाउन समस्या भएको तर पहिलो पटक स्थानीय प्रहरी प्रशासनको सहयोगमा जनकपुर विमानस्थलमा राखेर परिक्षण गरेको कुवरको भनाई छ ।


उहाँले यो यन्त्रण विश्वमै पहिलो पटक आफुले बनाएको र एउटा एटीआई यन्त्रण निर्माण गर्न कम्तिमा डेढदेखि २ लाख रुपैयाँसम्म पर्ने जनाए। 

यन्त्र सार्वजनिकीकरण पत्रकार सम्मेलनमा मन्त्री साहले प्रदेश नं. २ को राजधानीमा यस्तो यन्त्र पहिलो पटक निर्माण गर्ने कुवरको प्रशंसा गर्दै यस यन्त्रले अहिलेको ईन्टरनेटको संसारमा बढेको साईवर अपराधलाई निरुत्साहित हुने धारणा राखे ।


यस उपकरणलाई उत्पादन तथा स्वीकृतिको लागि प्रदेश सरकारले पूर्ण सहयोग गर्ने प्रतिवद्धता समेत व्यक्त गर्दै यस यन्त्रणको प्रयोगले शिक्षा, स्वास्थ्य, समाज र देश भित्रको विकृति र अपराधलाई नियन्त्र गर्न ठुलो मदत पुग्ने विश्वास व्यक्त गरे । 

 

 

के हो एटीआई यन्त्र ?

एटीआई यन्त्रण भनेको अंग्रेजीमा एनि टाईम ईन्टरनेट सेवा हो । यो चौबीसै घण्टा फ्री ईनटरनेट अथवा वाईफाई सेवा जस्तै हुन्छ । 

 

तर यसको प्रयोग गर्न पसवर्ड हाल्नु पर्छ । जुन पासवर्ड एटीआई यन्त्रबाट लिन सकिन्छ । फ्री र्वाइफाई जडान गर्न र ठाउँको विषयमा विषेश जानकारी लिन चाहने व्यक्तिले जडान गरिएको एटीआई यन्त्रबाट पासवर्ड लिन सक्छन् ।


वाईफाई प्रयोग गर्न चाहने व्यक्तिले एटीआई यन्त्रबाट पासवर्ड लिन प्रेसस्वीच थिच्नु पर्छ । जसले वाईफाई कनेक्टको लागि पासवर्ड अर्थात युजरनेम सहितको एउटा एटीएमको पर्ची जस्तै पेपर दिन्छ । जसमा पासवर्ड हुन्छ । 


व्यक्ति पिच्छे पासवर्ड फरक हुन्छ । एटीआई मेसिनबाट वासवर्ड लिन गएका व्यक्तिले प्रेस स्वीच थिच्ने वितिकै यन्त्रणले उसको फोटो खिच्नुको साथै पसवर्ड सहितको एउटा कागजमा दिन्छ ।

र पासवर्ड राखेर ईन्टरनेट कनेक्ट गर्दा उसको अन्य केहि समान्य जानकारी समेत एटीआई यन्त्रणले क्याच गर्छ । जडान गरेको सिस्टम अनुसार एक घण्टा वा बढी ५÷१० घण्टा सम्म मात्र रहन्छ ।


 तर हाल जनकपुर विमानस्थलमा जडान गरिएको एटीआई यन्त्रमा एक घण्टा सिसस्टम राखिएको छ । जुन एक घण्टा मात्र कुनै पनि व्यक्तिले कनेक्ट गरेर प्रयोग गर्न सक्छन् ।


 त्यसपछि स्वतः ईन्टरनेट डिसकनेक्ट हुन्छ । जनकपुर विमान स्थलमा आउनेजाने यात्रुहरु बढीमा एक घण्टा पर्खने हुनाले त्यतिन्जेल सम्म त्यहाका यात्रुहरुले फ्रि ईन्टरनेट सुविधाको लाभ लिन सक्छन् । र यदि कुनै त्यो ईन्टरनेट प्रयोग कर्ताले कुनै साईवर अपराध वा अन्य गलतविधि गरेमा तुरन्त जानकारी हुन्छ । 


र उसलाई तुरन्त चिन्न र पक्राउ गर्न सकिन्छ । जनकपुर विमान स्थलमा जडान गरिएको एटीआई यन्त्रणमा जनकपुरका अन्य जानकारीसहित प्लेन कतिबजे आउने जाने समेतका जानकारीहरु पाउन सकिन्छ । यो सेवा एकपटकमा २ सयभन्दा बढीले प्रायोग गर्न सक्छन् । 

 

यस एटीआई यन्त्रणको प्रयोगले सार्वजनिक स्थल वा कुनै संघसंस्थामा हुने साईवर अपराध र अन्य अमाञ्चित गतिविधिलाई समेत नियन्त्रण मदत गर्छ । 


एटीआई यन्त्रणमा जुनसुकै कम्पनीको ईन्टरनेट प्रयोग गरेर जडान गर्न सकिन्छ ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस