• आइतबार ५-३-२०७५/Sunday 08-19-2018
10:02 am

धनुषामा मोटरसाईकल रुखमा ठोकिएर एक जनाको मृत्यु 


न्यूज ब्यूरो |
जनकपुरधाम, २६ जेठ ।
धनुषामा मोटरसाईकल रुखमा ठोकिएर एक जनाको मृत्यु भएको छ । 

 

जनकपुर–ढल्केवर सडक खण्ड अन्तर्गत मिथिला नगरपालिका–६ भक्तिपुरस्थित रहेको वाईर फ्याक्ट्री नजिक मोटरसाईकल अनियन्त्रित भई राजमार्ग छेउकै आँपको रुखमा ठोकिदाँ ज.६.प. २९१० नम्बरको मोटरसाईकल चालकको मृत्यु भएको हो ।

 

मृत्यु हुनेमा धनुषाको मिथिला नगरपालिका वडा नं–६ ढल्केवरका रामउदगार महतोको ३० बर्षिय छोरा नरेन्द्र महतो रहेको छ ।

 

शुक्रवार जनकपुर देखि पसलका लागि समान ढल्केवर तर्फ लिएर आउँदै गर्दा महतोले चलाउँदै गरेको मोटरसाईकल अनियन्त्रित भई राजमार्ग छेउकै आपको रुखमा ठोकिएपछि उनी गम्भिर घाइते भएको थियो ।

 

गम्भिर घाईते भएको महतोलाई उपचारका लागि जनकपुर लैजाने क्रममा बाटोमै उनको मृत्यु भएको ईलाका प्रहरी कार्यालय ढल्केवरले जनाएको छ । 
 

प्रतिकृया दिनुहोस