• आइतबार ५-३-२०७५/Sunday 08-19-2018
10:02 am

प्रदेश साँसद यादवद्धारा धनुषामा "माछा सुपरजोन" कार्यक्रम सँचालन


न्यूज ब्यूरो |
जनकपुरधाम, २६ जेठ ।
प्रदेश नं. २ का प्रदेश सभासदस्य एवम साँसद राम अशिष यादवले धनुषामा माछा सुपरजोन कार्यक्रमको उद्घाटन गर्नुभएको छ । 

 

धनुषाको सहिदनगर नगरपालिका वडा नं. ८ डुमरिया चौकमा शुक्रवार आयोजित कृषि स्तरीय मत्स्य पालना सम्बन्धी स्थलगत तालिम अन्तर्गत सीप विकास तथा क्षमता अभिवृद्धी कार्यक्रममा नगरपालिका स्तरीय माछा सुपरजोन कार्यक्रम सँचालन गर्नुभएको हो ।

 


माछा सुपरजोन कार्यक्रमका प्रमुख राजेन्द्र यादवको अध्यक्षता एवम् प्रदेश सभा सदस्य राम अशिष यादवकै प्रमुख आतथ्यिमा सम्पन्न दुई दिने माछा सुपरजोन कार्यक्रम अन्तर्गत शुक्रवार उक्त कार्यक्रमलाई विधिवत रुपमा सँचालन गरिएको हो । 

 

प्रधानमन्त्री कृषि आधुनिकीकरण परियोजना माछा सुपरजोन धनुषाद्धारा आयोजित उक्त कार्यक्रममा माछाको क्षमता अभिवृद्धिको बिषयमा बढी प्राथमिकता दिएको थियो ।

 

कार्यक्रममा संघीय समाजवादी फोरम नेपालका युवा नेता बिनोद रोहिता , वडा नं.९ का वडा अध्यक्ष रामदेब मरिक , सुपरजोन कार्यक्रमका  लक्षमी कुमारी महतो , माछा विशेज्ञ जय किशोर मण्डल , माछा अधिकुत सुभाष झा , प्रा.स. कुशेस्वर सल्हैता सहित शहिदनगर नगरपालिकाको जम्मा २१ ओटा कृषक समुहको प्रतिनिधिहरुको समेत सहभागिता रहेको थियो ।

 

उक्त क्षेत्रमा माछा सुपरजोन सँचालन भएपछि कृषकहरुले माछा सुपरजोन मार्फत आर्थिक आर्जनको लागि अग्रसर हुने विश्वास लिइएको छ । 

प्रतिकृया दिनुहोस