• आइतबार ५-३-२०७५/Sunday 08-19-2018
10:03 am

यी अस्पतालमा १२ रुपैयाँको औषधी २ सयमा बेच्छन्


न्यूज ब्यूरो |
जनकपुरधाम, २५ जेठ ।
धनुषाको धनुषाधाममा अवस्थित एक नीजि अस्पतालमा औषधीको मूल्य भन्दा १० गुणा बढी चर्को मूल्यमा औषधी विक्रीवितरण गरेको खुलासा भएको छ ।

धनुषाधाममा अवस्थित मिथिला हस्पिटल एण्ड डायग्नोष्टिक सेन्टरमा ८ रुपैयाँ भारु पर्ने औषधीको मूल्य २ सय बनाएर लिने गरेको खुलेको छ । 

 

विहिबार दिउँसो अस्पतालमा औलौ रोगले ग्रसित हँसपुर नगरपालिका वडा नं. ५ झटियाही बस्ने बर्ष अन्दाजी ७० बर्षिय विष्णु मण्डलले उपचार गराउन गएका थिए  ।

मलेरिया औलो विरुद्ध दिइने ल्यारिडो जीपी नामक औषधीको मूल्य २ सय रुपैयाँ लिएपछि विवाद भएको थियो । 

 

औषधीमा ८ रुपैयाँ ४ पैसा भारतीय रुपैयाँ तोकिएको छ भने नेपाली १२ रुपैयाँ बढी मात्र हुन्छ तर अस्पतालकै मातहतमा सँचालित औषधी पसलमा त्यो औषधीको २ सय रुपैया लिएपछि तनाव उत्पन्न भएको थियो । 

 

अस्तापलले १० गुणा बढी औषधी शूल्क लिएपनि सरोकारबाला निकायले कुनै प्रकारको चासो नलिएको हो । 

स्थानीयहरुले त्यो अस्पताल विरामीको नाममा लुट मच्चाएको गुनासो गरिएको छ । 

 

यता, अस्पताल प्रशासनले भने औलो विरुद्धको औषधीको स्कारसिटी भएको भन्दै चर्को मूल्य लिएको बताइएको छ । 
 
 

प्रतिकृया दिनुहोस