धनुषा प्रहरीले गरे ८ सय लिटर अबैद्य घरेलु मदिरा नष्ट

न्यूज ब्यूरो, जनकपुरधाम । मधेश प्रदेशका भूमि सुधार तथा कृषि सहकारी राज्यमन्त्री योगेन्द्र राय यादवलाई जनमत पार्टीका अध्यक्ष डा. सिके राउतले करारा जवाफ दिएका छन् । 

देशको राजधानी काठमान्डौँमा उखुँ किसानहरुले गरेको आन्दोलनको बेला जनमत पार्टी वा डा. सिके राउतले के गर्यो ? भनेर गरेको प्रश्नमा डा. राउतले किसानको लागि गरेको आन्दोलनको पुरै प्रमाण पेश गर्दै उनलाई करारा जवाफ दिएका हुन् ।

शुक्रबार संघीय मन्त्री रेणु कुमारी यादवको बचाउमा आयोजना गरेको पत्रकार सम्मेलनको क्रममा राज्यमन्त्री यादवले काठमान्डौँमा उखुँ किसानहरु महिनौ आन्दोलन गर्दा डा. सिके राउत वा जनमत पार्टीले केही पनि नगरेको तथा अहिले आएर किसान आन्दोलनको नाममा उच्छृँगल गतिविधि गर्न थालेको वक्तत्वप्रति डा. राउतले प्रमाण सहित करारा जवाफ दिएका छन् । 

काठमान्डौँमा चलेको किसान आन्दोलनको बेला पनि डा. राउत नेतृत्वको जनमत पार्टीले उँखु किसानहरुको लागि निरन्तर आन्दोलन गरेको तस्विरहरु र समाचारहरु समाजिक सँजालमा पोष्ट गर्दै करारा जवाफ दिएका हुन् । 

उखु किसानहरुको आन्दोलनमा जनमत पार्टीका केन्द्रीय उपाध्यक्ष ईन्जिनियर नरेन्द्र प्रसाद चौधरी र अर्का उपाध्यक्ष श्रीमति बबिता ईसरको नेतृत्वमा जनमत पार्टी सहभागी भएको थियो। दैनिक रुपमा जनमत पार्टीका नेताहरु सहभागी हुँदै किसान आन्दोलनलाई थप बल पुरयाएको थियो । 

डा. राउत केपी ओलीको एजेन्ट रहेको र उनकै लागि मधेशमा काम गरेको लगाएको आरोपप्रति डा. राउतले विभिन्न समयमा ओलीको कदम विरुद्ध आन्दोलन गरेको समाचार र तस्विरहरु सार्वजनिक गरेका छन् । 

डा. राउतले विभिन्न समयमा नागरिकता विद्येयक विरुद्ध, केपी ओलीको कदम विरुद्ध आन्दोलन गरेको समाचारहरु राखेर जवाफ फर्काएका छन् । 

उनले आफ्नो अधिकारिक फेसबुकमा यसरी लेखेका छन्ः