• २०७५ पौष ४ गते, बुधबार
०२:१८ pm

धनुषाको शहिदनगरमा प्रदेशस्तरीय प्रथम मेयर कप सुरु


न्यूज ब्यूरो |
जनकपुरधाम, १४ जेठ ।
धनुषाको शहिदनगर नगरपालिकामा आजदेखि प्रथम मेयर कप प्रतियोगिता सुरु भएको छ । 

 

शहिदनगर नगरपालिकाका मेयर उदय कुमार बरबरियाले आफ्नो पूर्व घोषित कार्यक्रम अनुसार सोमबारदेखि प्रदेश स्तरीय फुटबल तथा कबड्डी प्रतियोगिता टुर्नामेन्ट सुरु गरेको हो । 

 

नगरपालिकाको आयोजनामा नगर खेल सँयोजक राजदेव प्रसाद साहको अध्यक्षता एवम् मेयर बरबरियाको प्रमुख आतिथ्यमा टुर्नामेन्टको विधिवत रुपमा श्रीगणेश गरिएको हो । 

शहिदनगर यदुकूहाको जनता ईकाई माध्यमिक विद्यालयको प्राङ्गनमा सुरु भएको कबड्डी तथा फुटबल प्रतियोगिता छुट्टाछुट्टै खेल गराइको हो ।

 

 


कबड्डी प्रतियोगिताको प्रथम खेल अन्तर्गत धनुषा रातो र महोत्तरीबीच भएको खेलमा धनुषा रातो बिजय हाँसिल गरेको हो भने महोत्तरी र सप्तरी बीच भएको खेलमा सप्तरी बिजय हाँसिल गरेको आयोजकले जनाएको छ । 

 

यता,  मोरङ र बारा टिमको बीच भएको खेलमा मोरङ बिजय हासील गरेका छन । 

 

त्यस्तै, आजै भएको फुटबल प्रतियोगिता अन्तर्गतको खेल सिरहा ११ र महोत्तरी बीचको खेलमा सिरहा टिमले विजयी हात पारेका छन् ।

सिरहा टिमले पेनाल्टी हान्दै पेनाल्टीकै माध्यमले ५ ४ गोलअन्तरले विजयी भएका हुन् ।

 

 

उद्घाटन कार्यक्रममा नगरकी उपमेयर शिला कापर , लेखाअधिकृत नन्दकिशोर झा, वडा अध्यक्ष नागेन्द्र मन्डल, लगायत खेलाडी, विद्यार्थी, स्थानीयहरुको मोटो सहभागी रहेको थियो ।

 

नेपालकै कान्छो मेयर भनेर चिनिने बरबरियाले गत फागुन २६ गते नगरपालिकाको वडा नं. ७ धबौलीमा सम्पन्न पहिलो च्यालेन्ज टि २० कपको समापन कार्यक्रममा शिघ्र नै मेयर कप खेलाउने उद्घोष गरेका थिए । 


यो पनि पढनुहोस् ।

 

धनुषामा कान्छो मेयरले 'प्रथम मेयर कप टुर्नामेन्ट' खेलाउने

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस