• २०७५ मङ्सिर ४ गते, मंगलबार
११:४४ am

मिसन उमेशः साउदीमा कार्यरत नेपालीहरुद्वारा उमेश बचाउको लागि २ लाखबढी सहयोग

बिनय यादव/न्यूज ब्यूरो ||

सिरहा, २ जेष्ठ । साउदी अरबमा विगत १२ वर्षदेखि जेली जीवन बिताइरहेका धनुषाका उमेश यादवलाई मृत्युदण्डको सजायबाट पाकिस्तानी परीवारले आममाफी दिइसकेका छन् । तर, आममाफी बापत ब्लडमनि ३० लाख रुपयाँको माग गरीएको छ । 

 

 

उक्त ब्लडमनीका लागि उमेश बचाउ अभियानमा सक्रिय देशविदेशमा रहेका नेपालीहरुले आर्थिक संकलन कार्य तीव्र पारेका छन् ।

 

यसैबीच, साउदी अरबमा कार्यरत नेपालीहरुले उमेश बचाउको लागि माग गरिएको ३० लाख रुपैयाँलाई मध्यनजर गर्दै २ लाख २ सय ३१ रुपैयाँ सहयोग गरेका छन् ।

 

उमेश बचाउको लागि चाहिने माफीनामा वापत पाकिस्तानी पीडित परिवारले ३० लाख रुपैयाँ माग गरेको भन्दै सहयोगको लागि गरिएको अपिलमा साउदी अरबको रियाद स्थित अल-रसिद एविटङ कम्पनीमा कार्यरत नेपालीहरुले २ लाख २ सय ३१ रुपैयाँ सहयोग गरेका हुन् ।

 

साउदी अरबको रियाद स्थित अल-रसिद अविटोङ कम्पनीमा कार्यरत तथा बिदेशी मुलुकमा रहेर समेत समाजिक कार्यमा सक्रिय अभियन्ता बिन्देश्वर यादवको नेतृत्वमा बसेको एक वृहत बैठकबाट मानवता र समाजिक उत्तरदायित्व अन्तर्गत आफुहरुले आर्थिक सहयोग गरेको र आगामी दिनहरूमा समेत अन्य दु:खी, असहाय, पीडितलाई सहयोग गर्न सदैव तत्पर रहने संकलन कार्यका अगुवा बिसुन यादवले प्रतिबद्धता जाहेर गर्नुभयो ।

 

 

उनले भने, 'रोजगारीको शिलशिलामा देश बिदेशमा छरिएर रहेका मधेसी मूलका नेपालीहरुले उमेश बचाउको लागि जुन प्रकारले तत्परता देखाएका छन् त्यो आफैँमा सराहनीय छ, हामीले पनि उमेशको ब्लडमनीको नाममा २ लाखबढी रुपैयाँ सहयोग गर्न भ्याएका छौँ ।'

 

अर्का संकलनकर्ता भरोशी मण्डलले भने, 'हामीहरुको खुन पसिनाको कमाई छ, उमेश बचाउको लागि हामी जे पनि गर्न तयार छौँ, कानुनी रुपमा केही गर्न नसकेपनि आर्थिक रुपले सहजता प्रदान गर्न कुनै पनि कसर छाड्ने छैनौं । हामीले सहयोग गरेको रकमको सदुपयोग होस्, सम्बन्धित ब्यक्तिहरुले चाँडै उमेशलाई नेपाल फर्काउने अपेक्षा छ ।'

 

 

ब्लडमनि संकलन अभियानका सहजकर्ताहरु जितेन्द्र साह, छेदी यादव, रामउदगार महतो लगायतका अन्य नेपालीहरुले न्यूज ब्यूरोसँग कुरा गर्दै उनीहरुले, 'उमेश बचाउको लागि न्यूज ब्यूरोको प्रयास इतिहास बनेको छ । यहाँ स्थित रहेका नेपाली कामदारहरुले न्यूज ब्यूरोको प्रयासलाई प्रशंसा गरिरहेका छन् । न्यूज ब्यूरोले नै गरेको समाचार प्रकाशितको आधारमा उमेश बचाउको लागि हामी काम छाडी ब्लडमनी संकलन कार्यमा लागेका थियौं । आशा छ हाम्रो मेहनतको सदुपयोग हुनेछ र उमेश शिघ्र स्वदेश फर्कन पाउनेछ ।'

 

सहयोग स्वरुप प्रदान गरिएको उक्त रकम अहिले न्यूज ब्यूरोका सिरहा प्रमुख समेत रहेका पत्रकार बिनय यादवकै जिम्मामा राखिएको छ । मोटो रकम रहेको भन्दै आवश्यकता परेको खण्डमा तुरुन्त ग्रोविंग नेपाल फाउन्डेसनको खातामा उक्त रकम ट्रान्सफर गरिने संकलन अभियानका प्रमुख नेतृत्वकर्ता बिन्देश्वर यादवले बताउनुभयो ।

 

 

गैर सरकारी संस्था ग्रोविंग नेपाल फाउण्डेशनका अध्यक्ष सरोज रायले संस्थाको बैँक खातालाई अधिकारिक भन्दै जारी गरेपछि सहयोगकर्ताहरुले उक्त बैँक खातामा रकम जम्मा गर्ने गरेको छ ।

 

यता, उमेशलाई साउदी अदालतले घाँटी काटेर २४ घण्टा चौराहामा झुण्डयाउने आदेश दिएपछि बिचल्लीमा परेका उमेशका परिवारले छोरा बचाइदिन सबैमा अपिल गरेका छन् ।

 

उमेश यादवलाई माफीनामा बापत मृतक पाकिस्तानी परिवारद्वारा माग गरिएको ३० लाख ब्लडमनि संकलनको कार्य देश तथा बिदेशमा तिब्र रुपमा भइरहेको छ ।

 

 

उता, पीडित पाकिस्तानी परिवारले दिएको क्षमापत्र साउदी अदालतमा बुझाउनका लागि गत सोमबार साउदी पुगेका अभियन्ता राय हाल त्यहाँ स्थिति अदालतमा पहल जारी राखेका छन् ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

बिनय यादव, सिरहा

सिरहा, ब्यूरो प्रमुख

प्रदेश नं. २, सिरहा – नेपाल

बिनय यादव || न्यूज ब्यूरोका सिरहा जिल्ला प्रतिनीधि सहित सिरहा ब्यूरो प्रमुख समेत हुन् । उहाँ पूर्वाञ्चलको अन्य जिल्लाको पनि समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ | [email protected] | उहाँलाई समाजिक सञ्जाल फेसबुक र ट्वीटरमा पनि भेट्न सकिन्छ ।

प्रतिकृया दिनुहोस