न्यूज ब्यूरो |
जनकपुरधाम, २ जेठ । त्रिनेत्र न्यूज नेटवर्कद्धारा सँचालित न्यूज ब्यूरो डिजिटल पत्रिकाका संवाददाता विनय कुमार यादवलाई ज्यान मार्ने धम्की दिइएको छ ।
मँगलबार राती करिब ९ बजे धनुषाको महेन्द्रनगर स्थित सँचारकर्मी यादवलाई प्रहरी समक्षै ज्यान मारिदिने धम्की दिएका छन् ।
ईलाका प्रहरी महेन्द्रनगरका प्रहरी नीरिक्षक नरेश सिँहकै अगाडी महेन्द्रनगर यामाहा शोरुम गैरेजका सुरेश ठाकुरले सँचारकर्मी यादवलाई ज्यान मार्ने धम्की दिए ।
महेन्द्रनगर स्थित एक होटेलमा खाजा खाँदै गर्दा महेन्द्रनगरबाट सँचालित दुधमति एफ एमका सँचालक अनिल महतो, न्यूज ब्यूरोका शँकर यादव र विनय यादव सम्मलित सँचारकर्मीहरुले समेतसँग ठाकुरलाई भनाभन भएको थियो ।
होटेलमा एक टेबलमा ठाकुर सहितका उनका साथीहरु बसेका थिए भने पछाडीको टेबलमा यादवसहितका साथीहरु बसेका थिए ।
मदिरा सेवन गरी लठ्ठ परेका ठाकुरले पत्रकारले आफूलाई के विगार्ने भनेर आफूखुसी बरबराउन थाले । यीनीहरु जस्तो पत्रकारलाई दिनहुँ खरिद विक्री गर्छु भनेपछि सँचारकर्मी यादवले ठाकुरलाई सम्झाउँदा महेन्द्रनगरका ईन्सपेक्टर सिँहलाई समेत बोलाएर ठाकुरले उनका समक्ष नै मार्ने धम्की दिए ।
ठाकुरले आफ्ना समर्थक एवम् लठैतहरु बोलाएर सँचारकर्मी यादव सहित अन्यलाई घेराबन्दी गरी राखेपनि प्रहरी ईन्सपेक्टर सिँह कुनै चासो नलिनुमा ठाकुरप्रतिको उदारता झल्किएको तथा कानुनको धज्जिया उडाएको देखियो ।
प्रहरी समक्ष नै ज्यान मार्ने धम्की दिँरहदा प्रहरी केही पनि बोल्नु सुरक्षाकर्मीबाट सुरक्षाको अपेक्षा गर्न नसकिने पीडित यादवले बताए ।
यता, प्रदेश नं. २ का आन्तरिक मामिला तथा कानुन मन्त्री ज्ञानेन्द्र कुमार यादवले यस घटना बारे सत्यतथ्य बुझेर दोषीलाई कारवाहीको घेरामा ल्याउने बताएका छन् ।
न्यूज ब्यूरोसँग मन्त्री यादवले कानुनलाई हातमा लिन खोज्ने वा लिने जो कोही समाजका अपराधी हुन र यस्तालाई तह लगाउन कुनै कसर बाँकी नछाड्ने बताए ।
यसअघि नै फटहागिरी गर्नेलाई तह लगाउने प्रतिवद्धता जाहेर गरेका गृहमन्त्री यादवले कानुनलाई धज्जिया उडाउने र उडाउन दिने दुवैलाई कारवाहीको दायरामा ल्याउने दाबी गरे ।
जिल्ला प्रहरी कार्यालय धनुषाका प्रहरी नायब उपरीक्षक प्रविण धितालले व्यस्तता जनाए ।
प्रहरी नीरिक्षक सिँहले भने कुनै प्रकारको झगडा नभएको बताएका छन् ।
पत्रकारलाई ज्यान मार्ने धम्की दिएका ठाकुर यसअघि पनि यस्ता उच्छृगल गतिविधिहरु गर्दै आएको स्थानीयहरुको आरोप छ ।
न्यूज ब्यूरोका कार्यकारी सम्पादक यादवको मृत्यू शंकास्पद, CIB जाँच गर
- २०७५ जेठ २ बुधबार
न्यूज ब्यूरो नेपालका कार्यकारी सम्पादक विनय कुमार यादवको मृत्यू र घटनास्थलको दृश्याँकनले दर्जनौ शंका उत्पन्न भएको छ । मोटरसाईकल दुर्घटना भनिएको सो ठाउँको प्रकृति हेर्दा दुर्घटना जस्तो केही देखिदैनन् ।
पूरा पढ्नुहोस्
..jpeg)
