• २०७५ असोज ९ गते, मंगलबार
०७:३९ pm

मोदी सुरक्षाको लागि जनकपुरमा "बल्याक क्याट कमाण्डो" 


न्यूज ब्यूरो |
जनकपुरधाम, २७ बैशाख ।
भोली शुक्रवार २८ गते भारतीय प्रधानमन्त्री  नरेन्द्र मोदीको आगमनलाई लिएर जनकपुरमा बल्याक क्याट कमाण्डो ( NSG- National Security Guard ) परिचालन गरिएको छ ।

 

मोदीको सुरक्षाका लागि भन्दै भारतीय ब्ल्याक क्याट कमाण्डो जनकपुरमा परिचालित गरिएको हो ।

शुक्रवार विहान ८ बजेसम्म जनकपुर आईपुग्ने कार्यक्रम तय भएअनुसार आगमनको २ दिन अघिदेखि नै जनकपुरमा विभिन्न ठाउँमा बल्याक क्याट कमाण्डो परिचालन गरिएको हो । 

 

सुरक्षाको दृष्टिकोणले अति कडा मानिएको बल्याक क्याट कमाण्डोले मोदीलाई कडा सुरक्षा दिइने छ । 

धार्मिक भ्रमण भनेर विश्वकै पावन भूमिले प्रसिद्ध जनकपुरधाममा माता जानकीको दर्शन पूजाको लागि मोदी जनकपुर आउन लागेका हुन् ।

 

मोदीको सुरक्षाको लागि प्रदेश सरकारले ७ हजार सुरक्षाकर्मी खटाउने भएको छ भने अहिले मात्र ३ दर्जनको सँख्यामा तैनाथ गरिएका बल्याक क्याट कमाण्डो शुक्रवार हुन लागेको मोदी भ्रमणका दिन थप सँख्यामा परिचालन गरिने छ । 

 

सुरक्षा खटाइने बल्याक क्याट कमाण्डोले जस्तोसुकै खतरालाई टाल्न सक्ने क्षमता निहित गरिएको हुन्छ । 

बल्याक क्याट कमाण्डोलाई भारतमा उच्च तहको सुरक्षा मानिएको हो । आतंकवाद सहित हमलालाई समेत रोक्न सक्ने तालिम प्रदान गरिएको हुन्छ । 

 

उच्च कोटीको आधुनिक हतियारले सुसज्ज्ति बल्याक क्याट कमाण्डो हेलिकप्टरबाटै पनि डोरीको सहायताले आफ्नो मिशनलाई अन्जाम दिने गर्छन् । 

कमाण्डोलाई मोदीसँगै समेत परिचालन गरिने छ । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस