• २०७५ कार्तिक २ गते, शुक्रबार
०३:४० am

दलितलाई मन्दिर प्रवेश र पूजा गर्न दिइएन, दिए यस्तो धम्की !


न्यूज ब्यूरो ||
जनकपुरधाम, १४ बैशाख ।
 रौतहट जिल्लाको फतुवा विजयपुरमा दलित समुदायलाई मन्दिर प्रवेशमा रोक लगाउँदै पूजापाठ समेत गर्न दिइएनन् ।

 

गत बैशाख ७ गतेका दिन फतुवा विजयपुर नगरपालिका वडान नं. ११ भठीरागी टोल निवासी सुकदेव महराले आफनो कुलदेवता शोखा महराजको पूजा प्रारम्भ गर्नको लागी गाउँकै ब्रह्म स्थानमा जाँदा रोक लगाइएको हो । 

 

देवी देवताको मन्दिर सार्वजनिक रुपमा पूजिने भएपनि ब्रहम सथानमा पूजा गर्न जाँदा त्यहाँ स्थित थारु समुदायले पूजा गर्नबाट रोक लगाएको कुरा झण्डै एक सातापछि बाहिर आएको हो । 

 

 

पूजा गर्न जाने समुदाय दलित (चमार) समुदायबाट भएकै कारण उनीहरुलाई पूजाआजा गर्न नदिएको बताइएको छ । 

 

स्थानीय ननदलाल चौधरी , बजरँगी चौधरी, फिरत चौधरी, पारस चौधरी, हरीलाल चौधरी लगायतले बिभिन गालीगलौज, अपशबद प्रयोग गरी चमार समुदायका महिलाहरूमाथी हातपात समेत गरेको पीडितहरुले बताएका छन् ।

 

युवाहरू जिर्योधन चौधरी, भजन चौधरी, लालु चौधरी, हरी चौधरी लगायतका ठुलो समुहमा आएका युवा तथा महिलाहरूले बलपूर्वक जबरदस्ती महिलाहरुमाथी हातपात गदैॅ मन्दिर प्रवेशमा समेत रोक लगाएको जानकारी छ । 

 

पूजा गर्न जाँदा स्थानीय ती युवाहरुले बल प्रयोग गर्दा बढेको विवादपछि झडप समेत भएको थियो भने मन्दिर प्रवेश गरेको अवस्थामा कुटपिट, महिलालाई दुव्र्यवहार र जेपनि गर्ने धम्की समेत दिइएको जनाइएको छ । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस