• २०७५ असोज ९ गते, मंगलबार
०६:२५ pm

जनकपुर क्रिकेट अपडेट : नेपाल प्रहरीले मारे बाजी

तस्विरहरु : घनश्याम कुमार मिश्र, जनकपुर


न्यूज ब्यूरो ||
जनकपुरधाम, ८ बैशाख । 

विभागीय टोली नेपाल प्रहरीले जनकपुरमा शुक्रवारबाट शुरु भएको दीपक गुप्ता मेमोरियल ( डीजीएम) टी–२० क्रिकेट प्रतियोगितामा विजयी शुरुवात गरेको छ ।

 

जनकपुरको रंगभूमि मैदान बाह्र विगाहामा शुक्रबार भएको उद्घाटन खेलमा पुलिसले आयोजक जनकपुरलाई ७५ रनले पराजित ग¥यो । १ सय ६४ रनको विजयी लक्ष्य पछ्याएको घरेलु टोली विपक्षीको आक्रामक बलिङसामु निरीह बन्दै १८ ओभर २ बलमा ८८ रनमा समेटियो ।

 

 

म्यान अफ द म्याच प्रदर्शन गरेका ललितसिंह भण्डारी एक्लैले ५ विकेट लिए । जनकपुरका लागि विशाल सुशलिङले सर्वाधिक ३६ र संसाद शेखले २० रन जोड्नुबाहेक अन्य कुनै पनि ब्याट्सम्यानले दोहोरो अंकमा रन जोड्न सकेनन् ।

 

 

प्रहरीका लागि भण्डारीका अलावा रामनरेश गिरी र दीपेन्द्रसिंह ऐरीले समान २ तथा ललितनरायाण राजवंशीले १ विकेट लिए । यसअघि टस जितेर पहिले ब्याटिङ गरेको प्रहरीले निर्धारित २० ओभरमा ८ विकेट गुमाएर १६३ रन जोड्यो । उसका लागि आरिफ शेखले सर्वाधिक ४८ रन जोडे ।

 

४४ बलमा उनले १ चौका र ४ छक्का प्रहार गरे । उनका अलावा दीपेन्द्र सिंह ऐरीले ३१, मञ्जित श्रेष्ठले २५, सिद्धान्त लोहनीले १३ र सुनिल धमलाले १० रनको योगदान गरे । जनकपुरका लागि हरिशंकर साह र विशाल सुशलिङले समान २ तथा दिव्यान्सु मल्लिकले १ विकेट हात पारे ।

 

 

प्रहरीको शुरुवात राम्रो नभए पनि आरिफ र दीपेन्द्रले सम्हालेका थिए। प्रदेश २ का मुख्यमन्त्री लालबाबु राउतले उद्घाटन गरेको प्रतियोगितामा नेपाल र भारतका गरी ८ टीमको सहभागिता छ । 

 

समूह एमा जनकपुर क्रिकेट टीम, वीरगञ्ज युनाइटेड, नेपाल प्रहरी र भारत आसामको फोनिक्स क्रिकेट टीम छन्, यस्तै बीमा त्रिभुवन आर्मी, सशस्त्र प्रहरी बल, विराटनगर क्रिकेट सोसाइटी र भारत उत्तर प्रदेशको कानपुरका सोनेट क्रिकेट क्लब सहभागी छन् । आजको न्यूजपेपर दैनिकमा समाचार छ । 
 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस