सउदी, कत्तारमा उमेश को चिन्ता, छुट्टीमै बसे नेपाली कामदार

न्यूज ब्यूरो ||
जनकपुरधाम, २६ चैत्त । सउदीमा मृत्यूदण्ड सुनाइएका धनुषाका उमेश यादवको फैसलाको प्रतिक्षा गर्दै कैयौँ नेपाली कामदारहरु आज काम गरेका छैनन् ।

केही दिन अघि न्यूज ब्यूरो डिजिटल पत्रिकाले सम्प्रेशन गरेको उमेशको फैसलाको मात्र ४ दिन बाँकी शिर्षकको समाचार पछि आतिएका नेपाली कामदारहरु सोमबार आज काम नै नगरी उमेशको लागि प्रार्थना गर्दै बसे ।

कत्तार र सउदीमा कतिपय कम्पनीका सँचालकसँग उमेशको बारेमा धारणा राखेपछि सबै कामदारलाई छुट्टी नै दिए ।

आज ९ अप्रिलका दिन उमेशको मुद्दाको बारेमा अहम फैसला हुने समाचार विभिन्न सँचारमाध्यममा आएपछि मधेसी मूलका नेपाली कामदारहरु सहित उमेशको बारेमा जानकारी भएका कामदारहरु आँखा रसाएरै विदा बसेका छन् ।

हालाकी, प्रत्येक कम्पनी र प्रत्येक ठाउँमा विदा नदिएपनि कामदारहरुले आफैँले पनि हिजो र आज उमेशको फैसलाको प्रतिक्षामा काम गरेनन् ।

मनमा तनाव र बोझ लिएर उनीहरु मात्र उमेशको ज्यानको भिख माग्दै ईश्वर, अल्लाहसँग प्रार्थना गर्दै काम ठप्प पारेको न्यूज ब्यूरोसँग कामदारहरु फोन मार्फत धारणा राखेका छन् ।

ज्ञातत्व छ, ९ अप्रिल सोमबारको फैसला हुने भनिएपछि उमेशको पेशी भने हिजो आईतबार नै चढेको थियो भने कुनै अहम फैसला नै नभई मात्र पुराना फाईल झिकाउने आदेश गरिएको छ ।

पुराना फाईलहरु मात्र झिकाउने आदेश भएपछि नेपालीहरुमा केही आस जागेको छ । अब उमेशलाई माफी हुने सम्भावना बढेको छ भने समाजिक अभियन्ताहरुले यस बीचमा नेपाली दुतावासलाई कडा रुपमा सक्रिय हुुनुपर्ने सुझाव दिएका छन् ।

उमेशलाई माया गर्नेहरुले आज काम बन्द गरी उनको लागि प्रार्थना बसेका थिए ।

..................................................

Visit For Full News , Website

http://enewsbureau.com