यी गाउँहरुमा अझ पुगेन बिजुली, पारामा "उमाशँकर अडगरिया"

न्युज ब्यूरो ||
जनकपुरधाम, १० चैत्त । धनुषाको पूर्वी भेगकमा अहिले पनि लाखौँ जनता बिजुलीको पहुँचबाट टाढै बसेका छन् ।

धनुषाको पूर्वी क्षेत्र तथा धनुषा र सिरहा जिल्ला जोडने कमला नदि छेउ सहित जनकपुरभन्दो केही किलोमिटर मात्र दुरीमा रहेको विभिन्न गाउँहरुमा अहिले पनि बिजुली पुग्न सकेको छैन् ।

अहिलेसम्म बिजुली नपुगेको भन्दै धनुषा क्षेत्र नं. २ का एमपी प्रतिनीधिसभा सदस्य उमा शँकर अडगरियाले चासो लिएका छन् ।

शनिबारनेपाल बिधुत प्राधिकरणका क्षेत्रीय डाईरेक्टर ओम प्रकाश महतो र नेपाल विद्युत कार्यालय जनकपुर वितरण केन्द्र का प्रमुख सुर्य नारायण मण्डलसँग भेट गर्दै बिजुली नभएको स्थानमा शिघ्र बिजुली जडान गर्नुपर्ने भन्दै पहल थालेका छन् ।

धनुषाको कमला नगरपालिकाको दुबरकोट, हथलेटवा, हथमुण्डा, सिँयाही मडान, लक्कड, हरिने , जागिरटोल , सखुवा , टरियालक्कर , सुकठौर , मंगराहा नयाटोल टोलहरुमा अहिलेसम्म पनि टुकीको भरमा सर्वसाधारणहरु जीवन बिताइरहेका छन् ।

कुनै कुनै टोलको लागि विद्युतिय पोल तथा तार जडान भईसकेको भन्दै अबको डेढ महिनाभित्रै विजुली बल्ने आश्वासन दिइएको अडगरियाले न्यूज ब्यूरोसँग भने ।

उनले भने, 'विद्युतका हाकीमले दुबरकोट, हथलेटवा, हथमुण्डामा यही पालो डेढ महिनाभित्रै बिद्युत पुरयाउने उदेश्य रहेको छ, र समयभित्रै जनताले विद्युत उपभोग गर्न पाउने छ । मिटरको समस्या मात्र भएकोले मिटर आएपछि वितरण गरेलगत्तै बिद्युत बल्न थाल्ने छ भनेर आश्वासन दिएका छन् ।'

यस्तै, कमला नदि छेउमा रहेको सिंग्याही मडानको लागि भने ३ दिनभित्र टेन्डर निकाल्ने आश्वासन दिएको अडगरियाले बताए ।

तोकिएको समयभित्र उदेश्य पुरा नभए जनता आन्दोलित हुनेछ र म स्वयं आन्दोलनको नेतृत्वकर्ता हुनेछु, यदि समयभित्र ती क्षेत्रहरुमा विद्युत बलेन भने हामी आन्दोलन गर्छौ । उनले थपे ।