२८ दिनपछि हुँदैछ उमेशको अहम फैसला,  प्रतिक्षामा नेपाल !

न्यूज ब्यूरो ||
जनकपुरधाम, ७ चैत्त । सउदी जेलमा विगत १२ बर्षदेखि बन्द रहेका धनुषाका उमेश यादवको मुद्दा बारे सुनुवाई अबको २८ दिनपछि हुने भएको छ ।

उमेशलाई सउदी अरबमा सजायबारे विभिन्न सञ्चार माध्यमहरुमा आएपछि जागरुक भएका सरोकारबालाहरुले उमेशबारे विस्तृत खोज्य व्यस्त भएका छन् ।

यसैक्रममा समाजिक अभियन्ता एवम तराई मधेस राष्ट्रिय परिषद्का सदस्य सरोज रायले उमेशको मुद्दाप्रति चासो लिंदै विस्तृत खोजतलासमा लागेका छन् ।

सउदीमा उमेशसँग भएको दुर्घटना र १२ बर्षदेखि जेलमा बन्द उमेशको बारेमा प्रकाशित समाचार तथा यथार्थ बारे पहल थालेका छन् ।

रायले विभिन्न सँचार माध्यमहरुमा उमेश बारे आएको समाचारप्रति टिप्पणी गर्दै घाँटी काटेर झुण्डयाउने, ब्लडमनी ७० लाख दिए मात्रै उमेश घर फर्कन पाउने समाचार गलत रहेको टिप्पणी गरेका छन् ।

विभिन्न समयमा विभिन्न मिडियाहरुले उमेश सम्बन्धि उठाएको समाचारप्रति सरोकारवालाहरुले चासो नलिएपछि ८ बर्षपछि फेरी न्यूज ब्यूरोले उमेशको घटना बारे समाचार प्रकाशित गर्दा हलचल भएको छ ।

समाचारलाई आधार मानी सरोकारवालाहरुले उमेशको मुद्दामा विशेष ध्यानाकर्षण देखाएको छ भने देश विदेशमा बस्ने नेपालीहरुले हरेक प्रकारको सहयोग गर्नको लागि तयार पनि भएका छन् ।

उमेशको घटनाबारे समाजिक अभियन्ता एवम् तराई मधेस राष्ट्रिय परिषद्का सदस्य सरोज राय आफनो फेसबुकमा यसरी लखेका छन् ।

साउदी जेलमा बन्द उमेश यादव वारे मैले पाएको जानकारी:

१. सन् २००६ मा धनुषाको साविक माची झिटकैया–४ तथा हाल कमला नगरपालिका–३ बस्ने आमा कुमारी देवी र बुबा भोला यादवको साइला सन्तान उमेश यादव गरिबीबाट मुक्त हुन सउदी अरब पुगेका थिए ।

२. काठमाडौँमा रहेका सुभास मेनपावर कम्पनिबाट उनि लेवरको काममा साउदी बिनलादीन कम्पनीमा पुगेका थिए ।
(source: Kathmandu post, Nov 25 2011)

३. सउदी पुगेका २ महिना पछि नै उनि संग काम गर्ने पाकिस्तानी नागरिक मोहम्मद वाजिर संग उमेशको झडप हुन्छ र त्यसमा वाजिरको मृत्यु हुन्छ । (Source: Arab News, 03/12/2012)

४. त्यस पछि उमेशलाई पक्राउ गरि र जुबैलको जेलमा राखियो । यस्तो घटना भएपछि भाइ दिनेश त्यहाँबाट भागे तर पछि उनलाई पनि पक्राउ गरी सउदीको जेलमा छ महिना राखे । छ महिनापछि कम्पनीको पहलमा हिरासत मुक्त भएका दिनेश पुनः आफ्नै गाउँ फर्के । जुबैल, रियाधबाट ५ कि.मी. को दुरीमा रहेको छ। (Source: News Bureau 19 March 2018)

५. जुबैलका स्थानीय अदालतले Nov 2011 मा उमेशलाई दोषी करार गरि मृत्यु दण्ड दिन्छ। मृत्यु दण्ड दिएको एक-दुई दिन पछि सउदी प्रशासनले सउदी अरब स्थित नेपाल राजदुतावासलाई यस वारे अवगत गराउँछ र दूतावाससंग उमेश वारे थप जानकारीको मांग गर्छ तर त्यस बेला दुतावास संग कुनै जानकारी हुँदैन। केहि दिन पछि मात्र दुतावासले उमेश यादव वारे थप जानकारी संकलन गर्न सफल हुन्छ। (source: Kathmandu post, Nov 25 2011)

६. 2011 मा सउदीको लागि नेपाली राजदुत रहेका उदय राज पाण्डेले उमेशलाई बचाउन पहल सुरु गर्छ । लगभग एक वर्ष सम्म सउदी अधिकारी र पाकिस्तान दुतावाससंग उमेशलाई बचाउन पहल गरिन्छ र January 2012 मा पिडित परिवारले मृत्यु दण्ड दिनु बाट उमेशलाई माफी दिन्छ । तत्कालिन राजदुत उदय राज पाण्डेले यसको लागि सउदी अधिकारी र पाकिस्तान दुतावासका अधिकारीलाई धन्यवाद दिन्छ । (Source: Arab News, 03/12/2012)

७. पिडित परिवारबाट माफी पाएपछि उमेशको मृत्यु दण्ड रोकिन्छ र उनलाई जेल कैदमा राखिन्छ। यता पिडित परिवारले मांग गरेको अनुसारको ब्लडमनी उपलब्ध गराउन तत्कालिन राजदुत उदय राज पाण्डेले पहल गर्ने समाचार 3 January 2012, Arab News मा प्रकाशित भएको थियो ।

(यस पछि के हुन्छ? राजदुतको पहल काँहा सम्म पुग्छ वारे जानकारी लिन कोशिस गरे तर अहिले सम्म कंहि भेटेन।)

यता नेपाल स्थित केहि मेडियामा अचानक उमेश वारे समाचार निस्किन्छ। समाचारमा सउदी अदालतले चांडै उमेशको टाउको काटेर २४ घण्टा झुण्डयाउने आदेश दिएको छ र पाकिस्तानी नागरिकको परिवारले ब्लडमनी रु ७० लाख माग गरेको बुझाउन सके र अदालतमा मृतकका परिवारले छोडदिन भनेपछि उमेशलाई आममाफी हुने संभाबना छ भनेर उल्लेख गरिएको छ।

घांटी काटेर झुण्डयाउने खबर सुनेर मन एकदम दुखि हुन्छ र उमेशलाई बचाउन पहल सुरु गर्छु। नेटबाट विभिन्न जानकारीहरु एकत्रित गर्छु । यहि दौरान सउदी स्थित नेपाली दुतावास संग सम्पर्क गर्छु । अहिले सउदीको लागि नेपाली राजदुत रहेका महेन्द्र सिंह संग विस्तारमा कुरा हुन्छ र उनले गराएका जानकारी सुनेर आश्चर्य हुन्छ।

१. नेपाली मेडियामा घांटी काट्ने र ब्लडमनी रु ७० लाखको कुरा एकदम गलत रहेका जानकारी राजदुतले गराए।

२. राजदुतको घर पनि उमेशको गाउँबाट नजिक रहेको छ । जेलबाट उमेशले निरन्तर महिने पिछे राजदुतलाई फोन गरिरहेको छ।

३. आज भन्दा १२ दिन पहिला जुबैलको स्थानीय अदालतले उमेशको मुद्दामा सुनवाई गरेको छ जसमा नेपाली दुतावासबाट पनि पदाधिकारी गएका वारे राजदुतले जानकारी गराए।

४. अगाडी राजदुत सिंहले पाकिस्तानी पिडित परिवार धेरै साल देखि सम्पर्क विहिन रहेकोले ब्लडमनी दिने सम्भावना कम रहेको छ र सउदी अदालतले पनि उमेशलाई छोड्ने मन बनाएको जानकारी दिए ।

५. ४० दिन पछि अर्थात आजभन्दा २८ दिन पछि उमेश वारे अहम फैसला हुनेछ।

अब हामीले २८ दिन पछि सउदी अदालतले गर्ने अहम फैसलाको पर्खाइ गर्ने पर्छ ।
यदि ब्लडमनी चाहिन्छ नै भन्ने त्यसको लागि पनि हामी तयार बस्नु पर्छ।

यता आज नै उमेश यादवको श्रीमती संग फोनमा मेरो कुरा भएको छ । उनलाई मेडियामा उमेश वारे आएको समाचार झुठो रहेको र यथार्त वारे जानकारी गराए |