• २०७५ पौष २ गते, सोमबार
०७:०५ am

योगाभ्यास प्रति आकर्षण बढ्दो, मिर्चैया ५ मा एकदिवसीय योग शिविर सम्पन्न

बिनय यादव, सिरहा, २८ फागुन । मिर्चैया नगरपालिका योग समितिको सहकार्यमा ह्वाइट हाउस इङ्ग्लिस बोर्डिङ स्कुल मिर्चैयाले आयोजना गरेको एकदिने नि:शुल्क योगाभ्यास शिविर सम्पन्न भएको छ ।

 

 

'योग गरौं, निरोग रहौं’ भन्ने मुल नाराका साथ मिर्चैया नगरपालिका वडा नम्बर ५ मा अवस्थित ह्वाइट हाउस ईङ्ग्लिस बोर्डिङ स्कुलको प्राङ्गणमा एकदिवसीय योग शिविर सञ्चालन भएको थियो ।

 

मिर्चैया नगरपालिका योग समितिका वरिष्ठ सल्लाहकार एवम् कार्यक्रमको प्रमुख अतिथि प्रदीप तिवारीले शिविरको उद्घाटन गर्दै योगले मानिसलाई स्वस्थ्य बनाउने भएकाले रोगको बाटो छेक्न योगले महत्वपूर्ण भूमिका खेलेको बताए ।

 

मानव जीवनलाई स्वस्थ्य र स्फूर्त रहन तथा रोगबाट मुक्ति पाउने साधना स्वरूप आयोजन गरिएको योगाभ्यास कार्यक्रममा गुरुत्व, मानव शरिर, प्राण, आत्मा, परमात्मा, तत्वको चर्चा तथा योगाभ्यास गरिएको थियो ।

 

 

ह्वाइट हाउस ईङ्ग्लिस बोर्डिङ स्कुल मिर्चैयाका संस्थापक सदस्य कमलदेव साहको सभापतित्वमा सम्पन्न योगाभ्यास कार्यक्रममा पतञ्जली योग समिति मिर्चैयाका अध्यक्ष अकलदेव सिंह, सल्लाहकार तथा कार्यक्रमका प्रमुख अतिथि प्रदीप तिवारी, कार्यक्रमका विशिष्ट अतिथि तथा नव सगरमाथा नेपाल टाइगर सप्ताहिक पत्रीकाका प्रमुख सम्पादक एवम् वरिष्ठ पत्रकार मधु बिसि तथा ह्वाइट हाउस ईङ्ग्लिस बोर्डिङ स्कुलका संस्थापक सदस्य मनोज यादव लगायतकाले योगबारे मन्तव्य राखेका थिए ।

 

उत्साहजनक रुपले योगाभ्यास शिविरमा मानिसहरुको सहभागी भएको आयोजकले बताएका छन् । पतञ्जली योग शिविरका योग प्रशिक्षकहरुले सहभागीहरुलाई योग सिकाएका थिए । 

 

कार्यक्रमा पतञ्जली योग समिति मिर्चैयाका अध्यक्ष अकलदेव सिंह, पतञ्जली योग समितिका जिल्ला सदस्य बिरेन्द्र यादव, मिर्चैया योग समितिका उपाध्यक्ष भरत महासेठ, वरिष्ठ पत्रकार मधु बिसि, सल्लाहकारहरु प्रदीप तिवारी र सिकिया यादव, सदस्यहरु किशोरी साह, प्रमोद साह, रिना ठाकुर, ह्वाइट हाउस र सगरमाथा स्कुलका छात्रछात्रा तथा शिक्षक, स्थानीय व्यापारी, युवा, बुद्धिजीवी, नागरिक समाज, स्थानीयबासी, संचारकर्मी लगायतका उल्लेखनीय सहभागिता रहेको थियो ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

बिनय यादव, सिरहा

सिरहा, ब्यूरो प्रमुख

प्रदेश नं. २, सिरहा – नेपाल

बिनय यादव || न्यूज ब्यूरोका सिरहा जिल्ला प्रतिनीधि सहित सिरहा ब्यूरो प्रमुख समेत हुन् । उहाँ पूर्वाञ्चलको अन्य जिल्लाको पनि समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ | [email protected] | उहाँलाई समाजिक सञ्जाल फेसबुक र ट्वीटरमा पनि भेट्न सकिन्छ ।

प्रतिकृया दिनुहोस