धनुषामा कान्छो मेयरले 'प्रथम मेयर कप टुर्नामेन्ट' खेलाउने

न्यूज ब्यूरो ||
जनकपुरधाम, २६ फागुन । धनुषामा पहिलो पटक प्रथम मेयर कप टुर्नामेन्ट हुने भएको छ ।

कान्छो मेयर उदय कुमार बरबरियाले आज एक कार्यक्रमबीच शिघ्र धनुषाको शहिदनगर नगरपालिकामा प्रथम मेयरकप टुर्नामेन्ट हुने जानकारी गराएका छन् ।

शहिदनगर नगरापालिकाको वडा नं. ७ धबौलीमा सम्पन्न पहिलो चाईलेन्ज शहिदनगर टी२० कप क्रिकेट प्रतियोगितामा प्रमुख अतिथिको आसनबाट बोल्दै बरबरियाले यस्तो जानकारी गराएका हुन् ।

उक्त क्रिकेट प्रतियोगितामा विजयी हात पारेका शहिदनगर यदुकुहालाई प्रथम पुरस्कार तथा धनुषाको औरहीलाई दोस्रो पुरस्कार प्रदान गरेका छन् ।

मेयर बरबरियाले दुवै टीमका खेलाडीहरुलाई पुरस्कार तथा मेडल वितरण गर्दै चाँडै प्रथम मेयर कप क्रिकेट प्रतियोगिता समेत आयोजना गर्ने प्रतिवद्धता जाहेर गरे ।